ஷங்கர், மணிரத்னம் உள்ளிட்ட 10 இயக்குநர்கள் இணைந்து தயாரிக்கும் படம்… இயக்கப்போவது யார் தெரியுமா?

சினிமாவில் 10 டாப் இயக்குநர்கள் இணைந்து ஒரு புதிய படத்தை தயாரிக்க உள்ளதாக தகவல் கிடைத்துள்ளது. இயக்குநர்கள் மணிரத்னம், ஷங்கர், வெற்றிமாறன், ஏ.ஆர்.முருகதாஸ், கெளதம் மேனன், பாலாஜி சக்திவேல், மிஷ்கின், சசி, வசந்த பாலன், லிங்குசாமி இணைந்து ஆரம்பித்துள்ள தயாரிப்பு நிறுவனத்தின் பெயர் ‘ரெயின் ஆன் ஃபிலிம்ஸ் பிரைவேட் லிமிடெட்’ (Rain on films).

இந்த தயாரிப்பு நிறுவனத்தின் மூலம் அடுத்தடுத்து திரைப்படங்கள் மற்றும் வெப் சீரிஸ்களை தயாரிக்க ப்ளான் போட்டுள்ளனர். இதில் முதல் படத்தை இயக்குநர் லோகேஷ் கனகராஜ் இயக்க உள்ளாராம். ஏற்கனவே, லோகேஷ் கனகராஜ் இயக்கத்தில் வெளியான ‘மாநகரம், கைதி, மாஸ்டர்’ ஆகிய மூன்று படங்களுமே மெகா ஹிட்டானது குறிப்பிடத்தக்கது.

இப்போது, இயக்குநர் லோகேஷ் கனகராஜ் இயக்கி வரும் படம் ‘விக்ரம்’. இதில் டாப் ஹீரோக்களில் ஒருவரான ‘உலக நாயகன்’ கமல் ஹாசன் நடித்து வருகிறார். மேலும், மிக முக்கிய ரோல்களில் விஜய் சேதுபதி, நரேன், ஃபஹத் ஃபாசில், காளிதாஸ் ஜெயராம் ஆகியோர் நடித்து வருகின்றனர். இதன் ஷூட்டிங் ஜெட் ஸ்பீடில் நடைபெற்று வருகிறதாம்.

Share.