ஐஸ்வர்யா ராஜேஷின் ஹாரர் – த்ரில்லர் படமான ‘பூமிகா’… வெளியானது மிரட்டலான ட்ரெய்லர்!

தமிழ் சினிமாவில் பிரபல நடிகைகளில் ஒருவராக வலம் வருபவர் ஐஸ்வர்யா ராஜேஷ். இவர் தமிழ் மொழி படங்கள் மட்டுமின்றி ஹிந்தி, மலையாளம் மற்றும் தெலுங்கு ஆகிய மொழி திரைப்படங்களிலும் நடித்து ரசிகர்களிடம் அப்ளாஸ் வாங்கியிருக்கிறார்.

இப்போது, ஐஸ்வர்யா ராஜேஷ் நடிப்பில் தமிழில் ‘பூமிகா, மோகன் தாஸ், டிரைவர் ஜமுனா, ‘தி கிரேட் இந்தியன் கிச்சன்’ ரீமேக், தருவ நட்சத்திரம்’, தெலுங்கில் ‘டக் ஜெகதீஷ், ரிபப்ளிக், ‘அய்யப்பனும் கோஷியும்’ ரீமேக் என எட்டு படங்கள் லைன் அப்பில் இருக்கிறது. இதில் ‘பூமிகா’ என்ற ஹாரர் த்ரில்லர் ஜானர் படத்தை இயக்குநர் ரதீந்திரன்.ஆர்.பிரசாத் இயக்கியுள்ளார்.

இந்த படத்தின் ரிலீஸுக்காக ஐஸ்வர்யா ராஜேஷின் ரசிகர்கள் பல மாதங்களாக வெயிட் பண்ணிக் கொண்டிருக்கிறார்கள். சமீபத்தில், இப்படத்தை திரையரங்குகளில் ரிலீஸ் செய்யாமல், நேரடியாக விஜய் டிவியில் வருகிற ஆகஸ்ட் 22-ஆம் தேதி மதியம் 3 மணிக்கு ஒளிபரப்ப ப்ளான் போட்டுள்ளதாக அறிவிக்கப்பட்டது. தற்போது, இந்த படத்தின் ட்ரெய்லரை டாப் ஹீரோக்களில் ஒருவரான கார்த்தி ட்விட்டரில் ரிலீஸ் செய்துள்ளார்.

Share.