‘வலிமை’யில் வில்லனாக நடிக்கும் கார்த்திகேயாவுக்கு அஜித் கொடுத்த சர்ப்ரைஸ் ட்ரீட்!

முன்னணி நடிகர்களில் ஒருவரான ‘தல’ அஜித் நடித்து 2019-ஆம் ஆண்டு வெளியான ‘நேர்கொண்ட பார்வை’ சூப்பர் ஹிட்டானது. ஆகையால், ‘நேர்கொண்ட பார்வை’ படத்தின் இயக்குநர் ஹெச்.வினோத் மற்றும் தயாரிப்பாளர் போனி கபூருடன் மீண்டும் அஜித் கூட்டணி அமைத்திருக்கிறார். அந்த படம் தான் ‘வலிமை’.

இதில் ‘தல’ அஜித் காக்கி சட்டை அணிந்து பவர்ஃபுல்லான போலீஸ் ரோலில் வலம் வந்து எதிரிகளை துவம்சம் செய்யப் போகிறாராம். ரஜினியின் ‘காலா’ படத்தில் ‘ஜரீனா’ கதாபாத்திரத்தில் வந்த ஹூமா குரேஷி தான் இந்த படத்தில் ஹீரோயினாம். அஜித்துக்கு எதிரியாக தெலுங்கு நடிகர் கார்த்திகேயா நடிக்கிறாராம். இப்படத்திற்கு டாப் இசையமைப்பாளர்களில் ஒருவரான யுவன் ஷங்கர் ராஜா இசையமைத்து வருகிறார்.

இதன் ஷூட்டிங் இறுதிக்கட்டத்தில் உள்ளது. கொரோனா நோயின் இரண்டாவது அலை தாக்கம் இப்போது அதிகமாக இருப்பதால், திரையரங்குகள் மூடப்பட்டுள்ளது, அனைத்து படங்களின் ஷூட்டிங்கும் நிறுத்தப்பட்டுள்ளது. இந்நிலையில், இந்த படத்தின் ஷூட்டிங் ஸ்பாட்டில் நடந்த ஒரு சுவாரஸ்ய விஷயம் தெரிய வந்துள்ளது. படத்தில் வில்லனாக நடிக்கும் கார்த்திகேயா டயட்டில் இருந்து சிக்ஸ்பேக் வைத்து நடித்திருக்கிறார். இதனால் அஜித் கார்த்திகேயாவின் கடைசி நாள் ஷூட்டிங்கின் போது, அவரை அழைத்து “இன்னைக்கு டயட் வேண்டாம்” என்று கூறி சர்ப்ரைஸாக பிரியாணி செய்து கொடுத்திருக்கிறார்.

Share.