‘பிக் பாஸ் 5’யில் வைல்ட் கார்ட் மூலம் என்ட்ரியாகப்போகிறாரா பாலாஜி முருகதாஸ்?… அவரே போட்ட ட்வீட்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 5 கடந்த அக்டோபர் 3-ஆம் தேதி முதல் ஒளிபரப்பாகத் துவங்கி உள்ளது. இந்த சீசன் 5-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள்.

தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம். பின், இந்த நிகழ்ச்சியில் இசை வாணி, ராஜு ஜெயமோகன், மதுமிதா, அபிஷேக் ராஜா, நமீதா மாரிமுத்து, பிரியங்கா தேஷ்பாண்டே, அபிநய், பாவனி ரெட்டி, சின்னப்பொண்ணு, நாடியா சங், வருண், இமான் அண்ணாச்சி, சுருதி, அக்ஷரா ரெட்டி, ஐக்கி பெர்ரி, தாமரைச்செல்வி, சிபி, நிரூப் ஆகிய 18 பிரபலங்கள் கலந்து கொண்டனர்.

கடந்த அக்டோபர் 9-ஆம் தேதி நமீதா மாரிமுத்து தவிர்க்க முடியாத சில காரணங்களால் வெளியேறி விட்டார். கடந்த அக்டோபர் 17-ஆம் தேதி நாடியா சங் எலிமினேட் செய்யப்பட்டார். கடந்த அக்டோபர் 24-ஆம் தேதி அபிஷேக் ராஜா எலிமினேட் செய்யப்பட்டார். கடந்த அக்டோபர் 31-ஆம் தேதி சின்னப்பொண்ணு எலிமினேட் செய்யப்பட்டார். தற்போது, ‘பிக் பாஸ்’ சீசன் 4 மூலம் ஃபேமஸான பாலாஜி முருகதாஸ் ‘ரீ-என்ட்ரி’ என்று ஒரு ட்வீட் போட்டுள்ளார். ஆகையால், இந்த ‘பிக் பாஸ்’ சீசன் 5-யில் இவர் வைல்ட் கார்ட் மூலம் நுழையப்போகிறாரோ? என்ற கேள்வி எழுந்துள்ளது. சீசன் 4-யில் பாலாஜி முருகதாஸ் தான் ரன்னர்-அப் என்பது குறிப்பிடத்தக்கது.

 

Share.