பொன்னியின் செல்வன் படத்தில் இணைந்த கமல் !

இந்திய சினிமாவின் முக்கியமான தலைசிறந்த இயக்குனர்களில் ஒருவர் மணிரத்னம். இவர் இயக்கத்தில் கடைசியாக வெளியான படம் செக்க சிவந்த வானம் . இந்த படத்தை தொடர்ந்து இயக்குனர் மணிரத்னம்
பொன்னியின் செல்வன் படத்தை இயக்க போவதாக அறிவித்தார் . கல்கி எழுதிய பொன்னியின் செல்வன் என்ற நாவலை தழுவி இந்த படம் உருவாகியுள்ளது .

இந்த படத்தில் விக்ரம் ,கார்த்தி ,ஜெயம் ரவி , ஐஸ்வர்யா ராய்,த்ரிஷா என பல சினிமா நட்சத்திரங்கள் நடித்துள்ளனர் . இந்த படத்தின் படப்பிடிப்பு முழுவதும் நிறைவடைந்துள்ளது . இந்நிலையில் மற்ற பணிகள் தொடர்ந்து நடந்து வருகிறது . இந்த படத்திற்கு A.R.ரகுமான் இசையமைத்து இருக்கிறார் . தமிழ் ரசிகர்கள் மட்டுமில்லாமல் மற்ற மொழிகளிலும் இந்த படத்திற்கு மிகப்பெரிய எதிர்பார்ப்பு இருக்கிறது .

இந்நிலையில் தற்போது பொன்னியின் செல்வன் படக்குழு படத்தின் விளம்பர படுத்தும் பணிகளை துவங்கி உள்ளது அந்த வகையில் பொன்னியின் செல்வன் படத்தில் நடிகர் விக்ரம் , கார்த்தி, ஜெயம் ரவி , ஐஸ்வர்யா ராய் , த்ரிஷா ஆகியோரின் ஸ்டில்ஸை வெளியீட்டு இருந்தனர் . மேலும் படத்தின் டீசர் நேற்று வெளியாகி வரவேற்பை பெற்று வருகிறது . தற்போது இந்த படத்திலிருந்து புதிய தகவல் வெளியாகி இருக்கிறது .நடிகர் கமல்ஹாசன் குரலை பயன்படுத்தி ரசிகர்களிடம் சொல்லும்படியாக செய்திருக்கிறார் இயக்குனர் மணிரத்னம் .

இந்த செய்தி ரசிகர்களிடம் படத்தின் மீதான எதிர்பார்ப்பை அதிகரித்துள்ளது .

Share.