அருள்நிதிக்கு பதிலாக நடித்த கார்த்தி… அந்த சூப்பர் ஹிட் படம் எது தெரியுமா?

சினிமாவில் பாப்புலர் ஹீரோக்களில் ஒருவராக வலம் வருபவர் அருள்நிதி. இவருக்கு தமிழில் அமைந்த முதல் படமே சூப்பர் ஹிட்டானது. அது தான் ‘வம்சம்’. பாப்புலர் இயக்குநர்களில் ஒருவரான பாண்டிராஜ் இதனை இயக்கியிருந்தார். இதில் அருள்நிதிக்கு ஜோடியாக சுனைனா நடித்திருந்தார்.

‘வம்சம்’ படத்தின் ஹிட்டிற்கு பிறகு நடிகர் அருள்நிதிக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘உதயன், மௌன குரு, தகராறு, ஒரு கன்னியும் மூணு களவாணிகளும், டிமான்ட்டி காலனி, நாலு போலீஸும் நல்லா இருந்த ஊரும், ஆறாது சினம், பிருந்தாவனம், இரவுக்கு ஆயிரம் கண்கள், K-13, களத்தில் சந்திப்போம்’ என தமிழ் படங்கள் குவிந்தது. இப்போது அருள்நிதி நடிப்பில் ‘டைரி, தேஜாவு’ மற்றும் ‘D ப்ளாக்’ என மூன்று படங்கள் லைன் அப்பில் இருக்கிறது.

இந்நிலையில், அருள்நிதி நடிக்காமல் மிஸ் பண்ண ஒரு சூப்பர் ஹிட் படம் குறித்த தகவல் கிடைத்துள்ளது. 2015-யில் ரிலீஸான தமிழ் படம் ‘கொம்பன்’. இந்த படத்தை பிரபல இயக்குநர் முத்தையா இயக்கியிருந்தார். இதில் ஹீரோவாக கார்த்தி நடித்திருந்தார். ஆனால், ஹீரோவாக நடிக்க வைக்க வேண்டுமென முத்தையாவின் முதல் சாய்ஸாக இருந்தது அருள்நிதி தானாம். பின், சில காரணங்களால் அருள்நிதியால் இப்படத்தில் நடிக்க முடியாமல் போனதாம்.

Share.