கார்த்தி – ராஷ்மிகா ஜோடியாக நடித்துள்ள ‘சுல்தான்’… வெளியானது பாடல் ப்ரோமோ!

சினிமாவில் டாப் ஹீரோக்களில் ஒருவராக வலம் வருபவர் கார்த்தி. இப்போது, கார்த்தி நடிப்பில் ‘பொன்னியின் செல்வன்’, ‘சுல்தான்’ மற்றும் பி.எஸ்.மித்ரனின் படம் என மூன்று படங்கள் லைன் அப்பில் இருக்கிறது. கடந்த ஆண்டு (2020) அக்டோபர் 8-ஆம் தேதி ‘சுல்தான்’ படத்தின் ஷூட்டிங் முடிந்து விட்டது. இதன் இறுதிக்கட்ட வேலைகள் ஜெட் ஸ்பீடில் நடைபெற்று வருகிறது.

கார்த்தியின் ரசிகர்கள் பல மாதங்களாக இப்படத்தின் ஃபர்ஸ்ட் லுக் டீசர் ரிலீஸுக்காக வெயிட் பண்ணிக் கொண்டிருந்தார்கள். கடந்த பிப்ரவரி 1-ஆம் தேதி இந்த படத்தின் ஃபர்ஸ்ட் லுக் டீசரை ரிலீஸ் செய்தனர். இந்த டீசர் படத்தின் மீதான எக்ஸ்பெக்டேஷன் லெவலை எகிற வைத்தது. இயக்குநர் பாக்யராஜ் கண்ணன் இயக்கும் இந்த படத்தில் ஹீரோயினாக ராஷ்மிகா மந்தனா நடித்துள்ளாராம்.

படத்தை வருகிற ஏப்ரல் 2-ஆம் தேதி திரையரங்குகளில் ரிலீஸ் செய்ய ப்ளான் போட்டுள்ளனர். இந்நிலையில், படத்தின் ‘ஜெய் சுல்தான்’ பாடலின் ப்ரோமோவை ரிலீஸ் செய்துள்ளனர். விவேக் – மெர்வின் இசையமைத்துள்ள இப்பாடலின் ப்ரோமோ வீடியோ சமூக வலைத்தளங்களில் தீயாய் பரவி வருகிறது. முழுப் பாடலையும் நாளை (பிப்ரவரி 11-ஆம் தேதி) மாலை 6 மணிக்கு ரிலீஸ் செய்ய உள்ளனர்.

Share.