விஜய்யின் பர்த்டே ஸ்பெஷல்… ‘ஆல்தோட்ட பூபதி’ பாடலுக்கு நடனமாடி அசத்திய கீர்த்தி சுரேஷ்!

பிரபல நடிகை மேனகாவின் மகள் தான் கீர்த்தி சுரேஷ். ஆரம்பத்தில் சில மலையாள படங்களில் குழந்தை நட்சத்திரமாக வலம் வந்த கீர்த்தி சுரேஷ், ‘கீதாஞ்சலி’ என்ற படத்தின் மூலம் ஹீரோயினாக அவதாரம் எடுத்தார். தமிழில் கீர்த்தி சுரேஷ் அறிமுகமான படம் ‘இது என்ன மாயம்’ தான் என்றாலும், அவருக்கென மிகப் பெரிய ரசிகர் பட்டாளத்தை உருவாக்கி தந்தது ‘ரஜினி முருகன்’ மற்றும் ‘ரெமோ’ ஆகிய இரண்டு படங்களும் தான்.

அதன் பிறகு கீர்த்தி சுரேஷுக்கு அடித்தது ஜாக்பாட். அவரின் கால்ஷீட் டைரியில் ‘பைரவா, தானா சேர்ந்த கூட்டம், சீமராஜா, சாமி ஸ்கொயர், சண்டக்கோழி 2, சர்கார், பெண்குயின் ‘ என படங்கள் குவிந்தது. கீர்த்தி சுரேஷ் நேரடி தெலுங்கு படங்களிலும் நடித்துள்ளார்.

தற்போது, கீர்த்தி சுரேஷ் நடிப்பில் ‘அண்ணாத்த, மரக்கார் : அரபிக்கடலிண்டே சிம்ஹம், குட் லக் சகி, சாணிக் காயிதம், சர்காரு வாரி பாட்டா, வாஷி’ என ஆறு படங்கள் லைன் அப்பில் இருக்கிறது. இந்நிலையில், இன்று (ஜூன் 22-ஆம் தேதி) நடிகர் ‘தளபதி’ விஜய்யின் பிறந்த நாள் என்பதால் அவருக்கு வாழ்த்து தெரிவித்து ஒரு வீடியோவை ட்விட்டரில் ரிலீஸ் செய்துள்ளார் கீர்த்தி சுரேஷ். இந்த வீடியோவில் விஜய்யின் ‘யூத்’ படத்தின் ‘ஆல்தோட்ட பூபதி’ பாடலுக்கு நடிகை கீர்த்தி சுரேஷ் சூப்பராக நடனமாடி அசத்தியுள்ளார்.

Share.