தொடங்கியது கே.ஜி.எஃப் -3 படத்தின் பணிகள் !

நடிகர் யஷ் நடிப்பில் இயக்குனர் பிரசாந்த் நீல் இயக்கத்தில் வெளியான படம் கே.ஜி.எஃப் 1 . இந்த படத்தை தமிழில் நடிகர் விஷால் அவரது தயாரிப்பு நிறுவனம் மூலம் வெளியிட்டார் . தமிழ் , ஹிந்தி ,மலையாளம், தெலுங்கு என பல மொழிகளில் வெளியானது . யாரும் எதிர்பார்த்திராத வகையில் இந்த படம் மிக பெரிய வெற்றியை குவித்தது . இதன் பிறகு இந்த படத்தின் எதிர்பார்ப்பு இந்திய முழுவதும் அதிகரித்தது .

இந்த நிலையில் சுமார் மூன்று வருடம் கழித்து கே.ஜி.எஃப் படத்தின் இரண்டும் வெளியானது . கடந்த ஏப்ரல் 14-ஆம் தேதி உலக முழுவதும் வெளியான இந்த படம் இந்திய முழுவதும் மாபெரும் வரவேற்பை பெற்று வருகிறது . தொடர்ந்து அனைத்து மொழிகளிலும் மிகப்பெரிய வசூல் வேட்டையை நடத்தி வருகிறது . படம் பார்த்த அனைவரும் இந்த படத்தை கொண்டாடி வருகின்றனர் . சினிமா நட்சத்திரங்களும் படக்குழுவை தொடர்ந்து பாராட்டி வருகின்றனர் . கே.ஜி.எஃப் 2 படத்தின் வெற்றி கொண்டாட்டமே இன்னும் முடிய நிலையில் கே.ஜி.எஃப் 3 படத்தை பற்றின அறிவிப்பு வெளியாகி உள்ளது .

கே.ஜி.எஃப் படத்தின் மூன்றாவது பாகத்தின் முதல் கட்ட பணிகள் தொடங்கி விட்டதாக இயக்குனர் பிரசாந்த் நீல் தெரிவித்துள்ளார் . இரண்டாவது பாகத்தின் வெற்றியைத் தொடர்ந்து அடுத்த பாகத்தின் படப்பிடிப்பை நடத்த ஏற்பாடுகள் தீவிரமாக நடந்து வருவதாக தகவல் வெளியாகி இருக்கிறது .

Share.