விஜய்யின் ‘பீஸ்ட்’ படத்துக்காக அந்த விஷயத்தை செய்யும் பூஜா ஹெக்டே!

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘மாஸ்டர்’ கடந்த ஜனவரி 13-ஆம் தேதி பொங்கல் ஸ்பெஷலாக தமிழ், தெலுங்கு, மலையாளம் மற்றும் கன்னடத்திலும், கடந்த ஜனவரி 14-ஆம் தேதி ஹிந்தியிலும் (விஜய் தி மாஸ்டர்) ரிலீஸானது. இந்த படத்தை லோகேஷ் கனகராஜ் இயக்கியிருந்தார்.

இதில் தளபதிக்கு ஜோடியாக மாளவிகா மோகனன் நடித்திருந்தார். தளபதிக்கு எதிரியாக விஜய் சேதுபதி நடித்திருந்தார். விஜய்யின் அடுத்த படமான ‘பீஸ்ட்’-ஐ நெல்சன் இயக்க, ‘சன் பிக்சர்ஸ்’ தயாரித்து வருகிறது. இந்த படத்துக்கு ‘ராக்ஸ்டார்’ அனிருத் இசையமைத்து வருகிறார், மனோஜ் பரமஹம்சா ஒளிப்பதிவு செய்து வருகிறார். இதில் விஜய்-க்கு ஜோடியாக பூஜா ஹெக்டே நடித்து வருகிறார். கடந்த ஜூன் 21-ஆம் தேதி விஜய்யின் பர்த்டே ஸ்பெஷலாக இதன் ஃபர்ஸ்ட் லுக் மற்றும் செகண்ட் லுக் போஸ்டர்ஸ் ரிலீஸ் செய்யப்பட்டது.

Pooja Hegde's Insta Story About Vijay's Beast1

இப்போஸ்டர்ஸ் படத்தின் மீதான எக்ஸ்பெக்டேஷன் லெவலை எகிற வைத்தது. சமீபத்தில், இந்த படத்தின் முதல் ஷெடியூல் ஷூட்டிங் ஜார்ஜியாவில் முடிவடைந்தது. புதிய ஷெடியூல் ஷூட்டிங்கை வருகிற ஜூலை 1-ஆம் தேதி முதல் சென்னையில் ஆரம்பிக்க ப்ளான் போட்டுள்ளனர். இதற்காக சென்னையில் பிரம்மாண்டமான செட் ஒன்று போடப்படுகிறதாம். இந்த செட்டில் விஜய் – பூஜா ஹெக்டே டூயட் பாடி ஆடப்போகும் ஒரு பாடல் காட்சியை 6 நாட்களில் படமாக்க திட்டமிட்டுள்ளனராம். தற்போது, இப்பாடல் காட்சிக்காக பூஜா ஹெக்டே டான்ஸ் ரிகர்சல் செய்து வருவதாக தகவல் கிடைத்துள்ளது.

Share.