இளம் நடிகை போட்ட கண்டிஷன்கள்… கடுப்பான முன்னணி இயக்குநர்!

கன்னட திரையுலகில் வெளியான பார்ட்டி படத்தில் அறிமுகமானவர் அந்த நடிகை. அந்த படம் ஹிட்டானதும் கன்னடத்தில் சில படங்கள் நடித்துவிட்டு அடுத்ததாக தெலுங்கு சினிமாவில் கால் பதித்தார். அங்கு ரெட்டி பட நடிகருடன் டூயட் பாடிய படத்தில் இடம்பெற்ற பாடல் சூப்பர் ஹிட்டானது.

அதன் மூலம் அடுத்த லெவலுக்கு சென்று விட்டார் அந்த நடிகை. தெலுங்கிலும் டாப் ஹீரோக்களின் படங்களில் நடிக்கும் வாய்ப்பு அவருக்கு கிடைத்தது. பின், அந்த நடிகை தமிழில் பருத்திவீரனுக்கு ஜோடியாக ஒரு படத்தில் நடித்தார். இப்போது இவர் ஹிந்தியில் இரண்டு படங்களும், தெலுங்கில் இரண்டு படங்களும் கைவசம் வைத்திருக்கிறார்.

இந்த நடிகைக்கு மிகப் பெரிய ரசிகர் பட்டாளம் இருப்பதால், தமிழ் சினிமாவின் பிரம்மாண்ட இயக்குநர் தெலுங்கு ஹீரோவை வைத்து இயக்கும் படத்தில் இவரை தான் முதலில் ஒப்பந்தம் செய்யலாம் என நினைத்தாராம். ஆனால், அந்த நடிகை ஓவராக கண்டிஷன் போட்டதால் பிரம்மாண்ட இயக்குநர் கடுப்பாகி விட்டாராம். அதன் பிறகு தெலுங்கு, தமிழ், ஹிந்தி என மூன்று மொழிகளில் உருவாகும் இந்த படத்துக்கு பிரபல பாலிவுட் ஹீரோயின் ஒருவரை ஒப்பந்தம் செய்து விட்டாராம் அந்த இயக்குநர்.

Share.