சசிக்குமாரின் ‘காரி’ படத்தின் ட்ரெய்லரை வெளியிட்ட இயக்குநர் லோகேஷ் கனகராஜ்!

தமிழ் சினிமாவில் பிரபல நடிகராக வலம் வருபவர் எம்.சசிகுமார். இவர் நடிப்பில் ‘நாநா, பரமகுரு, காரி, முந்தானை முடிச்சு, பகைவனுக்கு அருள்வாய், காமன் மேன்’ மற்றும் வெற்றிமாறன் தயாரிக்கும் படம் என ஏழு படங்கள் லைன் அப்பில் இருக்கிறது. இதில் ‘காரி’ படத்தை இயக்குநர் ஹேமந்த் இயக்கி வருகிறார்.

இதில் சசிக்குமாருக்கு ஜோடியாக பார்வதி அருண் நடித்துள்ளார். மேலும், மிக முக்கிய ரோல்களில் JD.சக்கரவர்த்தி, பாலாஜி சக்திவேல், ஆடுகளம் நரேன், அம்மு அபிராமி, ரெடின் கிங்ஸ்லி, நாகி நீடு, ராம்குமார், சம்யுக்தா, பிரேம் மற்றும் பலர் நடித்துள்ளனர். டி.இமான் இசையமைத்து வரும் இதற்கு கணேஷ் சந்திரா ஒளிப்பதிவு செய்துள்ளார்.

இதனை ‘பிரின்ஸ் பிக்சர்ஸ்’ என்ற நிறுவனம் தயாரித்து வருகிறது. இதன் போஸ்ட் புரொடக்ஷன் பணிகள் ஜெட் ஸ்பீடில் நடைபெற்று வருகிறது. இந்நிலையில், இன்று இப்படத்தின் ட்ரெய்லரை இயக்குநர் லோகேஷ் கனகராஜ் ட்விட்டரில் ரிலீஸ் செய்துள்ளார். இந்த ட்ரெய்லர் ரசிகர்களிடம் நல்ல வரவேற்பை பெற்று வருகிறது. மிக விரைவில் படத்தின் ரிலீஸ் தேதி அறிவிக்கப்படும் என எதிர்பார்க்கப்படுகிறது.

Share.