6 படங்கள் கைவசம் வைத்திருக்கும் நடிகை தமன்னா எடுத்த அதிரடி முடிவு!

சினிமாவில் முன்னணி ஹீரோயின்களில் ஒருவராக வலம் வருபவர் தமன்னா. தமிழில் அறிமுகமான முதல் படத்திலேயே நெகட்டிவ் ஷேடில் நடித்திருந்தார் தமன்னா. அந்த படம் தான் ‘கேடி’. ‘கேடி’-க்கு பிறகு கதையின் நாயகியாக நடித்த ‘கல்லூரி’ திரைப்படம் மிகப் பெரிய ஹிட்டாகி தமன்னாவுக்கு நல்ல பெயரை வாங்கித் தந்தது. அதன் பிறகு தமன்னாவுக்கு அடித்தது ஜாக்பாட்.

அடுத்தடுத்து இவரின் கால்ஷீட் டைரியில் ‘படிக்காதவன், அயன், ஆனந்த தாண்டவம், கண்டேன் காதலை, பையா, சுறா, தில்லாலங்கடி, சிறுத்தை, வேங்கை, வீரம், பாகுபலி, வாசுவும் சரவணனும் ஒண்ணா படிச்சவங்க, தோழா, தர்மதுரை, தேவி, அன்பானவன் அசராதவன் அடங்காதவன், ஸ்கெட்ச், பெட்ரோமாக்ஸ், ஆக்ஷன்’ என படங்கள் குவிந்தது. தமன்னா தமிழ் மொழியில் மட்டுமின்றி தெலுங்கு, ஹிந்தி, கன்னடம், மராத்தி ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார்.

Tamannaah's New Decision1

இப்போது, தமன்னா நடிப்பில் தெலுங்கில் ‘சீட்டிமார், மேஸ்ட்ரோ, குர்துண்டா சீதகளம், F3, தட் இஸ் மகாலக்ஷ்மி’, ஹிந்தியில் ‘போலே சுடியான்’ என ஆறு படங்கள் லைன் அப்பில் இருக்கிறது. இந்நிலையில், ஜெமினி டிவியில் மிக விரைவில் ஆரம்பமாகவுள்ள ‘மாஸ்டர் செஃப்’ (தெலுங்கு வெர்ஷன்) என்ற புதிய நிகழ்ச்சியை நடிகை தமன்னா தொகுத்து வழங்கப்போவதாக தகவல் கிடைத்துள்ளது. இந்நிகழ்ச்சியின் தமிழ் வெர்ஷனை சன் டிவியில் நடிகர் விஜய் சேதுபதி தொகுத்து வழங்கப்போவது குறிப்பிடத்தக்கது.

Share.