ஆரம்பமானது ‘விக்ரம் 60’ ஷூட்டிங்… ஆனா, படத்திலிருந்து அந்த பிரபலம் விலகிட்டாராமே!

சினிமாவில் டாப் நடிகர்களில் ஒருவராக வலம் வருபவர் விக்ரம். ஒவ்வொரு படத்துக்கும் விக்ரம் தனது கெட்டப்பை மாற்றி ரசிகர்களிடம் அப்ளாஸ் வாங்கி வருகிறார். இப்போது விக்ரம் நடிப்பில் ‘கோப்ரா, துருவ நட்சத்திரம், பொன்னியின் செல்வன்’ மற்றும் இயக்குநர் கார்த்திக் சுப்புராஜ் படம் என நான்கு படங்கள் லைன் அப்பில் இருக்கிறது.

இதில் கார்த்திக் சுப்புராஜ் படத்தில் விக்ரமும், அவரது மகன் துருவ்வும் சேர்ந்து நடிக்க உள்ளனர். இந்த படத்துக்கான ஷூட்டிங் இன்று (மார்ச் 10-ஆம் தேதி) முதல் பூஜையுடன் ஆரம்பிக்கப்பட்டுள்ளதாக தகவல் கிடைத்துள்ளது. இந்த தகவலை இயக்குநர் கார்த்திக் சுப்புராஜே ட்விட்டரில் அதிகாரப்பூர்வமாக தெரிவித்துள்ளார்.

இதில் சிம்ரன், வாணி போஜன் என டபுள் ஹீரோயின்ஸ் நடிக்க உள்ளனர். முதல் இதற்கு டாப் இசையமைப்பாளர்களில் ஒருவரான அனிருத் இசையமைக்க ஒப்பந்தமானார். ஆனால், இன்று வெளியிட்ட போஸ்டரில் இசையமைப்பாளர் சந்தோஷ் நாராயணனின் பெயர் போடப்பட்டுள்ளது. மேலும், இயக்குநர் கார்த்திக் சுப்புராஜ் இசையமைப்பாளர் அனிருத்துக்கு நன்றியும் தெரிவித்துள்ளார்.

Share.