விடுதலை படத்தின் அப்டேட் விரைவில் வெளியாகுமா ?

அசுரன் படத்தின் அசுர வெற்றிக்கு பிறகு இயக்குனர் வெற்றிமாறன் இயக்கும் படம் விடுதலை. இந்த படத்தில் நடிகர் சூரி கதாநாயகனாக நடித்து இருக்கிறார் .விஜய் சேதுபதி இந்த படத்தில் முக்கியமான கதாபாத்திரத்தில் நடித்து இருக்கிறார் . இயக்குனர் வெற்றிமாறன் இந்த படத்தை முதலில் குறுகிய காலகட்டத்தில் எடுத்து முடித்து விடலாம் என்று நினைத்து இருந்தார் . ஆனால் பல காரணங்களால் இந்த படத்தின் படப்பிடிப்பு இன்னும் முடியவில்லை . இறுதிக்கட்ட படப்பிடிப்பு விரைவில் முடிய உள்ளது என்ற தகவல் வெளியாகி இருக்கிறது .

மேலும் இந்த படத்திற்கு இளையராஜா இசையமைத்து வருகிறார் . வெற்றிமாறன் மற்றும் இளையராஜா இணையும் முதல் படமாக இந்த படம் இருக்கிறது. இதனால் ரசிகர்கள் மத்தியில் நல்ல எதிர்பார்ப்பு இந்த படத்திற்கு எழுந்துள்ளது .

இந்நிலையில் விடுதலை படத்தின் படப்பிடிப்பில் இருந்து சில புகைப்படங்கள் வெளியாகி சமூக வலைத்தளங்களில் வைரலாகி வருகிறது . விஜய் சேதுபதி , வெற்றிமாறன் , சூரி ஆகியோர் அந்த புகைப்படங்களில் உள்ளனர் . இந்த புகைப்படங்களை படக்குழுவே பகிர்ந்து உள்ளது . இதனால் விடுதலை படத்தின் அடுத்த அடுத்த அப்டேட் விரைவில் வெளியாகும் என்று நம்பப்படுகிறது .

Share.