தனுஷின் ‘திருச்சிற்றம்பலம்’ குறித்து ‘சன் பிக்சர்ஸ்’ போட்ட பதிவால் கடுப்பான பாடகர் விஜய் யேசுதாஸ்!

தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். இவர் நடிப்பில் ‘நானே வருவேன், ஆயிரத்தில் ஒருவன் 2, திருச்சிற்றம்பலம், கேப்டன் மில்லர், வாத்தி’, இயக்குநர்கள் வெற்றி மாறன், மாரி செல்வராஜ், சேகர் கம்முலா படங்கள் என எட்டு படங்கள் லைன் அப்பில் இருந்தது.

இதில் ‘திருச்சிற்றம்பலம்’ என்ற படம் கடந்த ஆகஸ்ட் 18-ஆம் தேதி திரையரங்குகளில் ரிலீஸானது. இந்த படத்தை இயக்குநர் மித்ரன்.ஆர்.ஜவஹர் இயக்கியுள்ளார். இதில் நித்யா மேனன், ராஷி கண்ணா, ப்ரியா பவானி ஷங்கர் என மூன்று ஹீரோயின்ஸ் நடித்துள்ளனர்.

மேலும், மிக முக்கிய ரோல்களில் ‘இயக்குநர் இமயம்’ பாரதிராஜா மற்றும் பாப்புலர் நடிகர் பிரகாஷ் ராஜ் நடித்துள்ளனர். இந்த படத்துக்கு டாப் இசையமைப்பாளர்களில் ஒருவரான அனிருத் இசையமைத்துள்ளார். தற்போது, இப்படம் திரையரங்குகளில் வெற்றிகரமாக ஓடிக் கொண்டிருக்கிறது. இந்நிலையில், இந்த படத்தில் இடம்பெற்ற ‘கண்ணீர் சிந்த’ என்ற பாடலை நேற்று ரிலீஸ் செய்தனர்.

இப்பாடலின் ப்ரோமோவை ‘சன் பிக்சர்ஸ்’ நிறுவனம் தங்களது இன்ஸ்டாகிராம் பக்கத்தில் வெளியிட்டபோது, படத்தில் நடித்தவர்களின் பெயர்களையும், இயக்குநர் மற்றும் இசையமைப்பாளரின் பெயர்களையும் மட்டுமே குறிப்பிட்டிருந்தனர். இப்பாடலை பாடிய பிரபல பாடகரும், நடிகருமான விஜய் யேசுதாஸ் இந்த பதிவிற்கு “எல்லார் பேரையும் போடுவீங்க. ஆனா, அந்த சிங்கர் பேரை மட்டும்” என்று கமென்ட் போட்டிருக்கிறார்.

Share.