விஜய் – வம்சி கூட்டணியில் உருவாகும் ‘வாரிசு’… வைரலாகும் ஷூட்டிங் ஸ்பாட் ஸ்டில்!

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். இப்போது விஜய் நடிப்பில் ‘வாரிசு’ மற்றும் இயக்குநர் லோகேஷ் கனகராஜ் படம் என இரண்டு படங்கள் லைன் அப்பில் இருக்கிறது.

இதில் ‘வாரிசு’ படத்தை ‘ஸ்ரீ வெங்கடேஸ்வரா கிரியேஷன்ஸ்’ நிறுவனம் சார்பில் தில் ராஜு தயாரிக்கிறார். தமிழ், தெலுங்கு என இரண்டு மொழிகளில் உருவாகும் இப்படத்தினை ‘தோழா’ படம் மூலம் ஃபேமஸான இயக்குநர் வம்சி இயக்குகிறார். இந்த படத்தில் விஜய்-க்கு ஜோடியாக ராஷ்மிகா மந்தனா நடிக்கிறார்.

மேலும், மிக முக்கிய ரோல்களில் சரத்குமார், பிரபு, பிரகாஷ் ராஜ், ஜெயசுதா, சங்கீதா, யோகி பாபு, ஸ்ரீகாந்த், ஷாம், சம்யுக்தா ஆகியோர் நடிக்கின்றனர். இதற்கு தமன் இசையமைக்கிறார். இதன் படப்பிடிப்பு பரபரப்பாக நடந்து வருகிறது. இந்நிலையில், நேற்று முன் தினம் இந்த படத்தின் ஃபர்ஸ்ட் லுக் போஸ்டரையும், நேற்று (ஜூன் 22-ஆம் தேதி) விஜய்யின் பர்த்டே ஸ்பெஷலாக செகண்ட் லுக் மற்றும் 3-வது லுக் போஸ்டரையும் ரிலீஸ் செய்தனர்.

இந்த போஸ்டர்ஸ் படத்தின் மீதான எக்ஸ்பெக்டேஷன் லெவலை எகிற வைத்தது. தற்போது, நேற்று இப்படத்தின் ஷூட்டிங் ஸ்பாட்டில் எடுத்த ஸ்டில்லை தமன் ட்விட்டரில் ரிலீஸ் செய்துள்ளார். படத்தை அடுத்த ஆண்டு (2023) பொங்கல் பண்டிகையை முன்னிட்டு ரிலீஸ் செய்ய ப்ளான் போட்டுள்ளனர்.

Share.