குஷி படம் வெளியாகி 20 ஆண்டுகள் ஆகிறது…!

விஜய், ஜோதிகா நடித்த குஷி படம் வெளியாகி இன்றுடன் இருபது ஆண்டுகள் ஆகியுள்ளதை தளபதி ரசிகர்கள் கொண்டாடிக் கொண்டிருக்கிறார்கள்.

எஸ்.ஜே. சூர்யா இயக்கத்தில் விஜய், ஜோதிகா சிவா, ஜெனியாக நடித்த குஷி படம் கடந்த 2000ஆம் ஆண்டு மே மாதம் 19ம் தேதி வெளியாகி சூப்பர் ஹிட்டானது. இந்த படத்தில் முதலில் சிம்ரன் தான் ஹீரோயினாக நடிப்பதாக இருந்தது. ஆனால் அவரால் நடிக்க முடியாமல் போக ஜோதிகாவை ஒப்பந்தம் செய்தார் சூர்யா.முன்னதாக சூர்யா இயக்கத்தில் அஜித், சிம்ரன் நடிப்பில் 1999ம் ஆண்டு ரிலீஸாகி சூப்பர் டூப்பர் ஹிட்டான வாலி படம் மூலம் தான் ஜோதிகா கோலிவுட்டில் அறிமுகமானார். சூர்யா இயக்கிய முதல் படத்தில் ஒரு சிறு கதாபாத்திரத்தில் வந்த ஜோதிகா அடுத்த படமான குஷியில் ஹீரோயினாகிவிட்டார்.

குஷி என்கிற பெயரை கேட்டதுமே தமிழ் சினிமா ரசிகர்களுக்கு நினைவுக்கு வருவது அந்த இடுப்பு சீன் தான். ஜோதிகா கருப்பு நிற புடவையில் இடுப்பை காட்ட அதை விஜய் பார்த்துவிட்டார் என்பது தெரிந்ததும் பெரிய பிரச்சனையாகிவிடும். எத்தனை ஆண்டுகளானாலும் அந்த இடுப்பு மேட்டரை ரசிகர்கள் மறக்கவே மாட்டார்கள்.

குஷி படம் ரிலீஸாகி இன்றுடன் 20 ஆண்டுகள் ஆகிவிட்டதையடுத்து #20YearsOfKushi என்கிற ஹேஷ்டேகுடன் விஜய் ரசிகர்கள் ட்வீட் செய்து கொண்டிருக்கிறார்கள். ஜோதிகாவின் இடுப்பை பார்த்த பிறகு விஜய் தன் அறையில் இருக்கும் புகைப்படத்தை பார்த்து தம்மாத்துண்டு இடம் இதை நாங்க பார்த்துட்டோமாக்கும் என பேசும் வீடியோவையும் ரசிகர்கள் வெளியிட்டுள்ளனர்.விஜய்யின் கெரியரில் மறக்க முடியாத படமாக அமைந்தது குஷி. சிவா, ஜெனி இடையேயான காதல், ஈகோ என எல்லாமே ரசிக்கும்படி இருந்தது. ஜோதிகா எப்பொழுதுமே கொடுத்த காசுக்கு மேல் நடிக்கிறார் என்று முன்பு பலரும் விமர்சித்தார்கள். ஏன் சூர்யா கூட மாயாவி படத்தில் இதை ஜோதிகாவிடமே கூறி சிரிப்பார்.

ஜோதிகாவின் நடிப்பை ஓவர் ஆக்டிங் என்று பலரும் சொல்ல எஸ்.ஜே. சூர்யா தான் காரணம் என்கிறார்கள் ரசிகர்கள். திரையுலகிற்கு வந்த வேகத்தில் எஸ்.ஜே. சூர்யா இயக்கத்தில் தொடர்ந்து இரண்டு படங்களில் நடித்ததால் அவர் சொல்லிக் கொடுத்த நடிப்பு ஜோதிகாவின் மனதில் பதிந்துவிட்டது. அதை மாற்ற முடியவில்லை. அதனால் ஜோதிகாவை குறை சொல்லக் கூடாது என்கிறார்கள் ரசிகர்கள்.குஷி படத்தில் அந்த பூரிக் கன்னம் கொண்ட விஜய்யை பார்த்து ரசிகைகள் அசந்து போனார்கள். விஜய் லைட்டாக தலையசைக்கும் ஸ்டைல் அப்பொழுது பயங்கர ஃபேமஸ். குஷி படத்தில் வந்த கோவில் சீன், இடுப்பு சீன் 90ஸ் கிட்ஸுகள் மனதில் என்றும் நிலைத்து நிற்கும் என்பதை மட்டும் மறுக்க முடியாது.

திருமணம், குழந்தைகள் என்றான பிறகு ஜோதிகா வேறு வழியில் சென்று கொண்டிருக்கிறார். அதாவது ஹீரோயினுக்கு முக்கியத்துவம் உள்ள, சமூகத்திற்கு மெசேஜ் சொல்லும் படங்களாக தேர்வு செய்து நடித்து வருகிறார். கணவர் சூர்யா தயாரிப்பில் ஜோதிகா நடித்துள்ள பொன்மகள் வந்தாள் படம் வரும் 29ம் தேதி அமேசான் பிரைமில் வெளியாக உள்ளது.பொன்மகள் வந்தாள் படத்தை தியேட்டர்களில் வெளியிடாமல் டிஜிட்டல் பிளாட்ஃபார்மில் வெளியிட தியேட்டர் உரிமையாளர்கள் கடும் எதிர்ப்பு தெரிவித்தார்கள். அதை எல்லாம் தாண்டி தான் சூர்யா தன் முடிவில் தீர்க்கமாக இருக்கிறார்.