‘இவருக்கு என்ன தெரியும்? எனக்கு தகுதி இருக்கா? இல்லையான்னு?’… கடுப்பான 3 போட்டியாளர்கள்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா, சம்யுக்தா கார்த்திக் மற்றும் சனம் ஷெட்டி எலிமினேட் செய்யப்பட்டனர்.

கடந்த சனிக்கிழமை பிக் பாஸ் நிகழ்ச்சியில் ஜித்தன் ரமேஷும், கடந்த ஞாயிற்றுக்கிழமை அறந்தாங்கி நிஷாவும் எலிமினேட் செய்யப்பட்டனர். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் பாலாஜி முருகதாஸ், ரம்யா பாண்டியன், ஆஜித் மூவரும் ஆரி பற்றி பேசிக் கொண்டிருக்கிறார்கள். அப்போது பாலாஜி “டைட்டில் win பண்றதுக்கு உனக்கு, இவனுக்கு, எனக்கு தகுதியில்லைன்னு சொல்லியிருக்காரு. வீட்ல யாருக்குமே தகுதி இல்ல அவரைத் தவிர. இவருக்கு என்ன தெரியும்? எனக்கு தகுதி இருக்கா? இல்லையான்னு? நான் கேட்டனா உங்ககிட்ட கப் கொடுங்கன்னு” என்று சொல்கிறார்.

பின், ஆஜித் “70 days-க்கு அப்புறமும் நான் involved இல்லையாம். involved-ஆ இல்லாம தான் ஆடியன்ஸ்லாம் இப்போ நீ இருப்பா வீட்டுக்குள்ளன்னு சொல்லியிருக்காங்களா?” என்று சொல்கிறார். அதன் பிறகு ரம்யா “நீங்க இன்னொருத்தங்க worst-ன்னு சொல்லி சொல்லி தன்னை best-ன்னு காட்டுறது வந்து எனக்கு அது வந்து ஒரு” என்று சொல்கிறார். பின், பாலாஜி “சத்தியமா இது தான் individual game-ன்னா நான் group ஆகிக்கிறேன்ங்க. சத்தியமா சொல்றேன் நான் groupism-ஏ பண்ணிக்குறேன் இந்த வீட்ல. என் group-ல யாரெல்லாம் சேரணும்னு நினைக்குறீங்களோ சேரலாம்” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.