2017ஆம் ஆண்டு இயக்குநரும், இசையமைப்பாளருமான ஜேம்ஸ் வசந்தன் இயக்கத்தில் குஷ்பு, ராதிகா, சுஹாசினி மற்றும் ஊர்வசி நடிப்பில் உருவான திரைப்படம் ‘ஓ.! அந்த நாட்கள்’.
இவர்கள் நால்வரும் முதல் முறையாக இணைந்து நடித்துள்ள இந்தபடம் முழுக்க முழுக்க ஆஸ்திரேலிய நாட்டில் படமாக்கப்பட்டுள்ளது. 2017ஆம் ஆண்டு ஒரே ஷெடியூலில் முழு படப்பிடிப்பையும் முடித்து விட்டு நாடு திரும்பினார்கள். ஆனால் சில காரணங்களால் படம் இன்றளவும் வெளிவரவில்லை.
இந்நிலையில் இந்த படத்தில் இருந்து ஒரு பாடலை நேற்று தனது ட்விட்டர் தளத்தில் வெளியிட்டுள்ளார் பிரபல நடிகை சுஹாசினி. “மெட்ராஸ் என்ன..? மெல்போர்ன் என்ன..?” என்று தொடங்கும் அந்த பாடலில் நான்கு நாயகிகளும் நடனமாடியுள்ளனர்.
Madras Enna Melbourne Enna – Oh Andha Naatkal | James Vasanthan | Radika… https://t.co/9PuRybJcAB via @YouTube sheer joy and happiness. 4 mothers
— Suhasini Maniratnam (@hasinimani) May 10, 2020
80-களில் தமிழ் திரையுலகின் முன்னணி கதாநாயகிகளாக வலம் வந்த நடிகை குஷ்பு, ராதிகா,சுஹாசினி மற்றும்ஊர்வசி ஆகிய நான்கு பேரும் திரைத்துறையில் ஒன்றாக பயணித்தார்கள் என்பதையும் தாண்டி மிக நெருங்கிய நண்பர்களாகவும் வலம் வந்தவர்கள் என்பது குறிப்பிடத்தக்கது.
