தமிழில் முன்னணி நடிகர்களில் ஒருவரான விக்ரம் நடித்து 2011 ஆம் ஆண்டு வெளிவந்த திரைப்படம் தெய்வத்திருமகள். இந்த படம் வெளியாகி இன்றோடு ஒன்பது வருடங்களை நிறைவு செய்கிறது.
ஸ்ரீ ராஜகாளி அம்மன் வீடியோஸ் தயாரிப்பில் உருவான இந்த திரைப்படத்தில் விக்ரம், சாரா அர்ஜுன், அனுஷ்கா செட்டி, அமலாபால், நாசர், சந்தானம் ஆகியோர் நடித்திருந்தார்கள்.
இந்த படத்தை ஏ.எல்.விஜய் இயக்கியிருந்தார். ஜிவி பிரகாஷ்குமார் இசையில் இந்த படத்தின் பாடல்கள் சூப்பர் ஹிட். நிரவ் ஷா தன் ஒளிப்பதிவில் இந்த படத்தின் காட்சிகளை உருக்கமாக பதிவு செய்திருந்தார்.
நடிகர் விக்ரம் மனநலம் குன்றியவராக தன் சிறந்த நடிப்பின் மூலம் இந்தப்படத்தில் பாராட்டுகளை குவித்தார். மனநலம் பாதிக்கப்பட்டவராக இருந்தாலும் ஒரு தந்தை மற்றும் மகளின் பாசப்பிணைப்பை அழகாக இந்த படம் படம் பிடித்து காட்டுகிறது. விக்ரமின் மகளாக பேபி சாரா இந்த படத்தில் அழகாக நடித்திருந்தார்.
பாக்ஸ் ஆபிஸ் ஹிட் பெற்ற இந்த திரைப்படம் ரசிகர்களிடையே என்றும் நீங்காத இடத்தை பிடித்துள்ளது. இந்தப் படம் தெலுங்கு மற்றும் ஜப்பானிய மொழிகளில் பின்பு டப் செய்து வெளியிடப்பட்டது குறிப்பிடத்தக்கது.
தற்போது விக்ரம் அஜய் ஞானமுத்து இயக்கத்தில் “கோப்ரா” படத்தில் நடித்து வருகிறார்.ஏ.ஆர்.ரகுமான் இசையில் இந்த படத்தில் 7 வேடங்களில் விக்ரம் நடிக்கவுள்ளார்.
