விஜய் ரசிகர்களின் ப்ளேலிஸ்டில் இடம்பிடித்த ‘பீஸ்ட்’ படத்தின் ‘ஜாலியோ ஜிம்கானா’ பாடல்!

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘மாஸ்டர்’ கடந்த ஆண்டு (2021) பொங்கல் ஸ்பெஷலாக தமிழ், தெலுங்கு, மலையாளம், ஹிந்தி மற்றும் கன்னடத்திலும் ரிலீஸானது. இந்த படத்தை லோகேஷ் கனகராஜ் இயக்கியிருந்தார்.

இதில் தளபதிக்கு ஜோடியாக மாளவிகா மோகனன் நடித்திருந்தார். தளபதிக்கு எதிரியாக விஜய் சேதுபதி நடித்திருந்தார். விஜய்யின் அடுத்த படமான ‘பீஸ்ட்’-ஐ நெல்சன் இயக்க, ‘சன் பிக்சர்ஸ்’ தயாரித்து வருகிறது. இந்த படத்துக்கு ‘ராக்ஸ்டார்’ அனிருத் இசையமைத்து வருகிறார், மனோஜ் பரமஹம்சா ஒளிப்பதிவு செய்து வருகிறார். இதில் விஜய்-க்கு ஜோடியாக பூஜா ஹெக்டே நடித்து வருகிறார்.

மேலும், பவர்ஃபுல்லான வில்லன் ரோலில் இயக்குநர் செல்வராகவன் நடிக்கிறார். கடந்த பிப்ரவரி 14-ஆம் தேதி மாலை காதலர் தின ஸ்பெஷலாக படத்தின் முதல் சிங்கிள் டிராக்கான ‘அரபிக் குத்து’-வை ரிலீஸ் செய்தனர். இந்நிலையில், இன்று (மார்ச் 19-ஆம் தேதி) செகண்ட் சிங்கிள் டிராக்கான ‘ஜாலியோ ஜிம்கானா’வை ரிலீஸ் செய்துள்ளனர். விஜய் பாடியுள்ள இப்பாடல் ரசிகர்களிடம் நல்ல வரவேற்பை பெற்று வருகிறது.

#JollyOGymkhana – #BeastSecondSingle is out now

▶ https://t.co/aw5qDrDPrY@actorvijay @Nelsondilpkumar @anirudhofficial @kukarthik1 @hegdepooja @manojdft @AlwaysJani @Nirmalcuts #Beast

— Sun Pictures (@sunpictures) March 19, 2022