தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘மாஸ்டர்’ கடந்த ஆண்டு (2021) பொங்கல் ஸ்பெஷலாக தமிழ், தெலுங்கு, மலையாளம், ஹிந்தி மற்றும் கன்னடத்திலும் ரிலீஸானது. இந்த படத்தை லோகேஷ் கனகராஜ் இயக்கியிருந்தார்.
இதில் தளபதிக்கு ஜோடியாக மாளவிகா மோகனன் நடித்திருந்தார். தளபதிக்கு எதிரியாக விஜய் சேதுபதி நடித்திருந்தார். விஜய்யின் அடுத்த படமான ‘பீஸ்ட்’-ஐ நெல்சன் இயக்க, ‘சன் பிக்சர்ஸ்’ தயாரித்துள்ளது. இந்த படத்துக்கு ‘ராக்ஸ்டார்’ அனிருத் இசையமைத்துள்ளார், மனோஜ் பரமஹம்சா ஒளிப்பதிவு செய்துள்ளார். இதில் விஜய்-க்கு ஜோடியாக பூஜா ஹெக்டே நடித்துள்ளார். மேலும், முக்கிய ரோலில் இயக்குநர் செல்வராகவன் நடித்துள்ளார்.
சமீபத்தில், ‘அரபிக் குத்து’, ‘ஜாலியோ ஜிம்கானா’, ‘பீஸ்ட் மோட்’ ஆகிய 3 பாடல்கள் மற்றும் ட்ரெய்லரை ரிலீஸ் செய்தனர். இம்மூன்று பாடல்கள் மற்றும் ட்ரெய்லர் படத்தின் மீதான எக்ஸ்பெக்டேஷன் லெவலை எகிற வைத்தது. படத்தை வருகிற ஏப்ரல் 13-ஆம் தேதி தமிழ், தெலுங்கு, மலையாளம், ஹிந்தி, கன்னடம் என ஐந்து மொழிகளில் ரிலீஸ் செய்ய ப்ளான் போட்டுள்ளனர்.
இந்நிலையில், ‘பீஸ்ட்’டுக்காக நெல்சன் விஜய்யை எடுத்த ஸ்பெஷல் பேட்டி நேற்று இரவு சன் டிவியில் ஒளிபரப்பானது. இந்த பேட்டியில் விஜய்யிடம் “ஒரு குட்டி ஸ்டோரி சொல்லுங்க சார்” என்று நெல்சன் கேட்டார். அதற்கு விஜய் “ஒரு FOOTBALL வந்து ஒரு புல்லாங்குழலை பார்த்து ‘எனக்குள்ளயும் காத்து தான் இருக்கு, உனக்குள்ளயும் காத்து தான் இருக்கு. ஆனா, உன்னை மட்டும் எல்லாரும் முத்தமிடுறாங்க.
என்ன ஏன் எல்லாரும் மிதிக்குறாங்க?’-ன்னு கேட்டுச்சாம். அதுக்கு அந்த புல்லாங்குழல் ‘உனக்கு உள்ள வர காத்த நீ மட்டும் வச்சுக்குற, எனக்கு உள்ள வர காத்த நான் எல்லாருக்குமே இசையா மாத்தி தரேன். இனிமே உனக்குள்ள வர காத்த மத்தவங்களுக்கும் கொடுத்து பழகு, இல்லாட்டி எப்பவுமே இப்படித்தான் மிதி வாங்குவ’ன்னு சொல்லுச்சாம். நம்ம வாழ்க்கைல அந்த புல்லாங்குழல் போல இருக்க முயற்சி பண்ணுவோம் நண்பா” என்று கூறினார்.
Home