சினிமாவில் பாப்புலர் ஹீரோவாக வலம் வருபவர் சிலம்பரசன் TR. பிரபல ஹீரோவும், இயக்குநருமான டி.ராஜேந்தரின் மகனான சிலம்பரசன் ஆரம்பத்தில் ‘உறவைக் காத்த கிளி, மைதிலி என்னை காதலி, ஒரு தாயின் சபதம், எங்க வீட்டு வேலன்’ போன்ற படங்களில் குழந்தை நட்சத்திரமாக வலம் வந்து ரசிகர்களிடம் அப்ளாஸ் வாங்கினார்.
சிலம்பரசன் கதையின் நாயகனாக அவதாரம் எடுத்த படம் ‘காதல் அழிவதில்லை’. இந்த படம் சூப்பர் ஹிட்டானதும் சிலம்பரசனுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் படங்கள் குவிந்தது. இப்போது சிலம்பரசன் நடிப்பில் ‘மஹா, பத்து தல, வெந்து தணிந்தது காடு’ என மூன்று படங்கள் லைன் அப்பில் இருக்கிறது.
சிலம்பரசனின் கேரியரில் மிக முக்கியமான படம் ‘தம்’. இந்த படத்தில் சிலம்பரசனுக்கு ஜோடியாக ரக்ஷிதா நடிக்க, பாப்புலர் இயக்குநர்களில் ஒருவரான ஏ.வெங்கடேஷ் இதனை இயக்கியிருந்தார். இதில் சிலம்பரசன் ‘சத்யா’ என்ற ரோலில் வலம் வந்து ரசிகர்களிடம் அப்ளாஸ் வாங்கினார். இந்த படத்தில் மிக முக்கிய ரோல்களில் ஆசிஷ் வித்யார்த்தி, டெல்லி கணேஷ், லிவிங்க்ஸ்டன், ராதாரவி மற்றும் பலர் நடித்திருந்தனர்.
சூப்பர் ஹிட்டான இப்படம் உலக அளவில் ரூ.10 கோடி வசூல் செய்து சாதனை படைத்ததாம்.
Home