தமிழ் சினிமாவில் பிரபல நடிகராக இருக்கிறார் விஷால் . பிரபல தயாரிப்பாளர் ஜி.கே.ரெட்டி அவர்களின் மகனான விஷால் நடிகர் அர்ஜுன் அவர்களிடம் துணை இயக்குனராக பணியாற்றினார் . பின்னர் இயக்குனர் காந்தி கிருஷ்ணா இயக்கத்தில் வெளியான செல்லமே படம் மூலம் தமிழ் சினிமாவில் நாயகனாக அறிமுகமானார் விஷால் .
செல்லமே படத்திற்கு பிறகு சண்டக்கோழி , திமிரு , தாமிரபரணி , மலைக்கோட்டை என ஆக்ஷன் படங்களில் நடித்து தமிழ் ரசிகர்களின் மனதில் இடம் பிடித்தார் . நடிகர் விஷால் நடிப்பில் சமீபத்தில் வெளியான வீரமே வாகை சூடும் படம் பெரிய அளவில் வெற்றி பெறவில்லை . தற்போது இவர் லத்தி மற்றும் மார்க் ஆண்டனி படங்களில் நடித்து வருகிறார் . மேலும் தளபதி 67 படத்திலும் நடிக்க பேச்சுவார்த்தை போய்க்கொண்டு இருக்கிறது .
இந்நிலையில் நடிகர் விஷால் குழந்தைகள் தினத்தை முன்னிட்டு ஆதரவற்ற குழந்தைகளுடன் குழந்தைகள் தினத்தை கொண்டாடி உள்ளார் . மேலும் தனது சமூக வலைதள பக்கத்தில் அந்த புகைப்படங்களை பகிர்ந்து உள்ளார் . தற்போது இவருக்கு ரசிகர்கள் வாழ்த்து தெரிவித்து வருகின்றனர் .
Home