தளபதி 67 படத்தில் இணைந்த மற்றொரு ஹீரோ ?

தமிழ் சினிமாவில் தனக்கென தனி ஒரு இடத்தை பிடித்து வைத்து இருப்பவர் நடிகர் ஜெயம் ரவி . இவர் நடிப்பில் கடைசியாக வெளியான படம் பூமி . இந்த படம் நடிகர் ஜெயம் ரவியின் 25வது படமாக அமைந்தது . லட்சுமணன் இந்த படத்தை இயக்கி இருந்தார் . டிஸ்னி பிளஸ் ஹாட் ஸ்டாரில் இந்த படம் வெளியாகி இருந்தது. எதிர்பார்த்த அளவிற்கு பூமி படம் பெரிய அளவில் ரசிகர்களிடம் வெற்றி பெறவில்லை .

இந்த படத்தை தொடர்ந்து ஜெயம் ரவி பொன்னியின் செல்வன் படத்தில் நடித்து இருந்தார் . கடந்த ஆண்டு செப்டம்பர் 30-ஆம் தேதி இந்த படம் வெளியாகி இருக்கிறது . ரசிகர்களிடம் இந்த படம் நல்ல வரவேற்பை பெற்றது . ஜெயம் ரவி மேலும் “ஜன கண மன ” மற்றும் அகிலன் ஆகிய படங்களிலும் நடித்து முடித்துள்ளார் . அகிலன் படம் முழுக்க முழுக்க இந்திய பெருங்கடலில் இந்த படம் படமாக்கப்பட்டுள்ளது.

இந்நிலையில் இயக்குநர் லோகேஷ் கனகராஜ் நடிகர் ஜெயம் ரவியை சந்தித்து கதை சொல்லி இருக்கிறார் என்ற தகவல் வெளியாகி உள்ளது . லோகேஷ் இப்போது தளபதி 67 படத்தை இயக்கி வருகிறார் எனவே இந்த படத்தில் ஜெயம் ரவியை நடிக்க வைக்க லோகேஷ் ஜெயம் ரவியிடம் பேசி இருக்கலாம் என்று கூறப்படுகிறது.

ஏற்கனவே தளபதி 67 படத்தில் விஷாலை நடிக்க வைக்க லோகேஷ் முயன்றார் ஆனால் கால்ஷீட் பிரச்சனை காரணமாக விஷால் நடிக்கவில்லை எனவே அந்த கதாபாத்திரத்தில் ஜெயம் ரவி நடிக்க வாய்ப்புள்ளது என்று கூறப்படுகிறது .