சினிமாவில் பாப்புலர் ஹீரோவாக வலம் வருபவர் சிலம்பரசன் TR. பிரபல ஹீரோவும், இயக்குநருமான டி.ராஜேந்தரின் மகனான சிலம்பரசன் ஆரம்பத்தில் ‘உறவைக் காத்த கிளி, மைதிலி என்னை காதலி, ஒரு தாயின் சபதம், எங்க வீட்டு வேலன்’ போன்ற படங்களில் குழந்தை நட்சத்திரமாக வலம் வந்து ரசிகர்களிடம் அப்ளாஸ் வாங்கினார்.
சிலம்பரசன் கதையின் நாயகனாக அவதாரம் எடுத்த படம் ‘காதல் அழிவதில்லை’. இந்த படம் சூப்பர் ஹிட்டானதும் சிலம்பரசனுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் படங்கள் குவிந்தது.
சிலம்பரசனின் கேரியரில் மிக முக்கியமான படம் ‘தொட்டி ஜெயா’. இந்த படத்தில் சிலம்பரசனுக்கு ஜோடியாக கோபிகா நடிக்க, பாப்புலர் இயக்குநர்களில் ஒருவரான வி.இசட்.துரை இதனை இயக்கியிருந்தார்.
இதில் சிலம்பரசன் ‘தொட்டி ஜெயா’ என்ற ரோலில் வலம் வந்து ரசிகர்களிடம் அப்ளாஸ் வாங்கினார். இப்படம் சூப்பர் ஹிட்டானது. முதலில் இந்த படத்தில் கதாநாயகனாக நடிக்க வைக்க வேண்டுமென இயக்குநர் வி.இசட்.துரை நடிகர் ஜீவனை அணுகியிருந்தாராம். பின், சில காரணங்களால் ஜீவனால் இப்படத்தில் நடிக்க முடியாமல் போனதாம்.
Home