அருண் விஜய்யின் ‘மலை மலை’ படத்தின் மொத்த வசூல் எவ்ளோ தெரியுமா?

சினிமாவில் எப்போது நாம் வெற்றி அடைவோம், எப்போது தோல்வி அடைவோம் என்பதை யாராலையும் கணிக்க முடியாது. இருப்பினும் தொடர்ந்து தோல்வி வந்தாலும், விடா முயற்சி செய்து தான் எதற்காக ஆசைப்பட்டோமோ, அந்த இலக்கை அடைவதற்கு தொடர்ந்து போராடினால், கண்டிப்பாக அதற்கு உண்டான பலன் கிடைக்கும். இதற்கு சரியான உதாரணம் நடிகர் அருண் விஜய்.

ஒரு பிரபல நடிகரின் மகனாக இருந்தும், ஆரம்பத்தில் அருண் விஜய் நடித்த சில படங்கள் தோல்வி அடைந்தது. ஆனாலும், அவர் தன்னம்பிக்கையுடன் போராடி தானும் ஒரு மகா நடிகன் தான் என்று நிரூபித்துக் காட்டியிருக்கிறார். அருண் விஜய்யின் நடிப்புக்கு சரியான தீனியாக அமைந்தது ‘என்னை அறிந்தால்’ திரைப்படம் தான்.

ஹீரோ அஜித்துக்கு எதிரியாக நடித்து அப்ளாஸ் வாங்கினார் அருண் விஜய். ‘என்னை அறிந்தால்’ படத்துக்கு பிறகு அருண் விஜய்-க்கு அடித்தது ஜாக்பாட். அடுத்ததாக அவரின் கால்ஷீட் டைரியில் படங்கள் குவிந்தது. அருண் விஜய்யின் கேரியரில் மிக முக்கியமான படம் ‘மலை மலை’. இந்த படத்தில் அருண் விஜய்-க்கு ஜோடியாக வேதிகா நடிக்க, பாப்புலர் இயக்குநர்களில் ஒருவரான ஏ.வெங்கடேஷ் இதனை இயக்கியிருந்தார்.

இதில் ‘வெற்றிவேல்’ என்ற ரோலில் வலம் வந்து ரசிகர்களிடம் அப்ளாஸ் வாங்கினார் அருண் விஜய். மேலும், மிக முக்கிய ரோல்களில் பிரபு, கஸ்தூரி, பிரகாஷ்ராஜ், சந்தானம் ஆகியோர் நடித்திருந்தனர். இப்படம் ரசிகர்களிடம் நல்ல வரவேற்பை பெற்றது. இந்த படம் உலக அளவில் ரூ.8.65 கோடி வசூல் செய்ததாம்.