தமிழ் சினிமாவில் பாப்புலர் நடிகர்களில் ஒருவராக வலம் வருபவர் கவின். இவர் ஆரம்பத்தில் விஜய் டிவியில் ஒளிபரப்பான ‘கனா காணும் காலங்கள்’ (காலேஜ் வெர்ஷன்), ‘தாயுமானவன்’, ‘சரவணன் மீனாட்சி’ ஆகிய சீரியல்களில் நடித்ததன் மூலம் கவனம் ஈர்த்தார். பின், ‘பிக் பாஸ்’ சீசன் 3-யிலும் போட்டியாளராக கலந்து கொண்டார்.
கவின் ஹீரோவாக நடித்த முதல் படம் ‘நட்புனா என்னான்னு தெரியுமா’. இந்த படத்திற்கு பிறகு ‘லிப்ட், டாடா’ ஆகிய படங்களில் நடித்தார். இதில் ‘டாடா’ திரைப்படம் இந்த ஆண்டு (2023) பிப்ரவரி மாதம் திரையரங்குகளில் வெளியாகி ரசிகர்களிடம் நல்ல வரவேற்பை பெற்று சூப்பர் ஹிட்டானது.
இப்போது கவின் நடிப்பில் இரண்டு படங்கள் லைன் அப்பில் இருக்கிறது. சமீபத்தில், கவின் தனியார் பள்ளியில் பணியாற்றி வரும் மோனிகா என்பவரை காதலித்து வருவதாகவும், விரைவில் திருமணம் செய்து கொள்ளபோவதாகவும் அதிகாரப்பூர்வ அறிவிப்பு வந்தது.
தற்போது, கவின் – மோனிகாவின் திருமணம் இன்று (ஆகஸ்ட் 20-ஆம் தேதி) நடைபெற்றதாக தகவல் கிடைத்துள்ளது. இவர்களின் திருமண புகைப்படங்கள் மற்றும் வீடியோஸ் சமூக வலைத்தளங்களில் வைரலாகி வருகிறது.
Home