‘தேரே இஷ்க் மெய்ன்’ படத்தில் தனுஷுக்கு ஜோடியாக நடிக்கப்போவது யார் தெரியுமா?

தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். இவர் நடிப்பில் ‘கேப்டன் மில்லர், தேரே இஷ்க் மெய்ன்’, இயக்குநர் சேகர் கம்முலா படம், சன் பிக்சர்ஸ் தயாரிக்கும் படம் என நான்கு படங்கள் லைன் அப்பில் இருக்கிறது.

இதில் ‘தேரே இஷ்க் மெய்ன்’ (TERE ISHK MEIN) படத்தை பிரபல பாலிவுட் இயக்குநர் ஆனந்த்.எல்.ராய் இயக்கவுள்ளார். ஏற்கனவே, தனுஷ் – ஆனந்த்.எல்.ராய் கூட்டணியில் ‘ராஞ்சனா’ மற்றும் ‘அட்ராங்கி ரே’ என இரண்டு ஹிந்தி படங்கள் வெளியானது குறிப்பிடத்தக்கது.

இந்த படத்தின் ப்ரீ-புரொடக்ஷன் பணிகள் பரபரப்பாக நடைபெற்று வருகிறது. ஷூட்டிங்கை வருகிற நவம்பர் மாதம் ஆரம்பிக்கத் திட்டமிட்டுள்ளனர். இந்நிலையில், இப்படத்தில் தனுஷுக்கு ஜோடியாக கியாரா அத்வானி நடிக்கவிருப்பதாக தகவல் கிடைத்துள்ளது.