பிரபல நடிகரும், இயக்குநருமான மாரிமுத்து மாரடைப்பால் காலமானார்… வருத்தத்தில் திரையுலகினர்!

தமிழ் சினிமாவில் பாப்புலர் இயக்குநராகவும், நடிகராகவும் வலம் வந்தவர் மாரிமுத்து. இவர் இயக்குநராக அறிமுகமாகிய முதல் படம் ‘கண்ணும் கண்ணும்’. இதில் ஹீரோவாக பிரசன்னா நடித்திருந்தார். அதன் பிறகு மாரிமுத்து ‘புலிவால்’ என்ற படத்தை இயக்கினார்.

பின், ‘யுத்தம் செய், நிமிர்ந்து நில், ஜீவா, கொம்பன், கடைக்குட்டி சிங்கம், பரியேறும் பெருமாள், சண்டக்கோழி 2, சுல்தான், டாக்டர், விக்ரம், மாயோன், கண்ணை நம்பாதே, ஜெயிலர்’ போன்ற பல படங்களிலும், ‘எதிர் நீச்சல்’ என்ற சன் டிவி சீரியலிலும் நடித்து ரசிகர்களிடம் அப்ளாஸ் வாங்கியிருந்தார்.

தற்போது, நடிகர் மாரிமுத்து (வயது 57) மாரடைப்பால் இயற்கை எய்தினார் என தகவல் கிடைத்துள்ளது. இவரது மறைவுக்கு திரையுலகினர் பலர் சமூக வலைத்தளங்களில் இரங்கல் தெரிவித்து வருகின்றனர்.