மணிரத்னம், பாலா, ஆகியோரிடம் உதவியாளராக பணிபுரிந்து விட்டு,‘துரோகி’ திரைப்படத்தின் மூலம் தமிழ் சினிமாவிற்கு அறிமுகமானவர் சுதா கொங்காரா. அவரின் இரண்டாவது படமான இறுதிச்சுற்று பெரும் வெற்றி பெற்றதை தொடர்ந்து சூர்யா அவருக்கு வாய்ப்பு அளித்தார். சூர்யா நடிப்பில் ‘சூரரை போற்று’ படத்தை இயக்கியுள்ள அவர் அடுத்ததாக விஜய்யின் படத்தை இயக்குவதாக தகவல்கள் வெளியாகின.
இந்நிலையில் இந்த வதந்திக்கு முற்றுப்புள்ளி வைக்கும் விதமாக சுதா கொங்காரா அறிக்கை ஒன்றை வெளியிட்டுள்ளார்.
“நான் ட்விட்டரிலோ வேறு எந்த சமூக வலைதளத்திலோ இல்லை. நான் அவற்றில் வரும்போது அதிகாரபூர்வமாக அதை அறிவிப்பேன். எனவே போலி ஐடிக்களைக் கண்டுகொள்ளவேண்டாம். அவற்றைப் பின்தொடர்ந்து உங்கள் நேரத்தை வீணடிக்காதீர்கள். பாதுகாப்பாக வீட்டில் இருங்கள். உங்களுக்குப் பிடித்தவற்றை வீட்டிலிருந்து செய்யுங்கள். இந்தக் கொடூரமான வைரஸுக்கு பிறகான வாழ்க்கையின் மறுபக்கத்தை எதிர்நோக்கியிருங்கள்”.
இந்நிலையில் சுதா கொங்கராவின் கதையை கேட்ட விஜய், தனக்கு அதில் திருப்தி இல்லை, கொஞ்ச காலம் கழித்து நாம் இணைவோம் என்று கூறியதாகவும், அதனால் சுதா தற்போது அதே கதையை அஜித்தை வைத்து இயக்க முயற்சி செய்து வருவதாக கூறப்படுகிறது.
Home