சிக்கலில் விஜய்சேதுபதி… ஏராளமானோர் போலீசில் புகார்..!

விஜய் சேதுபதி மீது போலீஸ் கமிஷ்னரிடம் புகார்
இந்துக்களின் மனதினையும், நம்பிக்கையையும் இழிவுபடுத்தும் நோக்கத்துடன் நடிகர் விஜய் சேதுபதி பேசியுள்ளார் என அவர் மீது போலீசில் புகார் அளிக்கப்பட்டுள்ளது.

சமீபத்தில் நடிகை ஜோதிகாவின் விருது விழா வீடியோ ஒன்று வைரலாகி சர்ச்சையை ஏற்படுத்தியது. தஞ்சை பெரிய கோவிலுக்கு உண்டியலில் பணம் கொடுத்து பராமரிப்பது போல பள்ளி, மருத்துவமனைகளுக்கும் கொடுங்கள் என கூறியிருந்தார். இந்து கோவில்கள் பற்றி ஜோதிகா இப்படி பேசியதற்கு ஹிந்து அமைப்புகள் கண்டனம் தெரிவித்தன.

ஜோதிகா மன்னிப்பு கேட்கவேண்டும் என பலரும் கேட்ட நிலையில், அந்த கருத்தில் உறுதியாக இருக்கிறோம் என அறிக்கை வெளியிட்டார் சூர்யா. அதற்கு ஆதரவாக விஜய் சேதுபதி ‘சிறப்பு’ என ட்வீட் செய்திருந்தார்.இந்நிலையில் விஜய் சேதுபதி ஒரு டிவி நிகழ்ச்சியில் ஹிந்து கடவுள்கள் பற்றி பேசியட் வீடியோ சர்ச்சையில் சிக்கியுள்ளது.

“சாமிக்கு அபிசேகம் செய்யும் போது பக்தர்களுக்கு காட்டுவார்கள். முடித்தபிறகு துணி போட்டு மூடிவிடுவார்கள். என்ன தாத்தா துணி போட்டு மூடிவிட்டார்கள் என குழந்தை கேட்டதற்கு, ‘சாமி இவ்ளோ நேரம் குளித்துக்கொண்டிருந்தது. இப்போ டிரஸ் மாத்த போவுது அதான் மூடிட்டாங்க’ என தாத்தா கூறுகிறார். ‘என்ன தாத்தா குளிக்கிறதையே காமிச்சாங்க. ஆனா டிரெஸ் மாத்துரதை மட்டும் ஏன் மூடிட்டாங்க’ என குழந்தை கேட்கிறது..” என்று விஜய் சேதுபதி பேசியுள்ளார்

இது இந்து மதத்தினையும், அதன் வழிபாட்டு முறைகளையும் மற்றும் இந்து கோவில்களில் நடக்கும் ஆகம விதி நடைமுறைகளையும் கேவலப்படுத்தி இந்துக்களின் மனதினையும், நம்பிக்கையையும் இழிவுபடுத்தும் நோக்கத்துடன் பேசியுள்ளார். அது பற்றி உடனடியாக வழக்குப்பதிவு செய்து விஜய் சேதுபதி மீது நடவடிக்கை எடுக்க வேண்டும் என அகில இந்திய இந்து மகாசபா என்கிற அமைப்பு காவல் ஆணையரிடம் புகார் கொடுத்துள்ளனர்.