கன்னட சீரியல் நடிகையின் காதலன் கைது செய்யப்பட்டார்

கன்னட சீரியல் நடிகையான சந்தனா (29) கடந்த மே 28 ம் தேதி பெங்களூரிலுள்ள தன் இல்லத்தில் விஷம் அருந்தி தற்கொலை செய்து கொண்டார்.

இவர் தான் தற்கொலை செய்து கொண்டுதற்கு காரணமான தன் காதலன் பற்றி கடிதம் எழுதி வைத்துவிட்டு, தற்கொலை செய்வதை ஒரு வீடியோவில் பதிவிட்டுள்ளார். நடிகை சந்தனா தினேஷ் என்ற நபரை காதலித்து ள்ளார். அவர் திருமணம் செய்து கொள்ள மறுத்துவிட்ட காரணத்தால் தற்கொலை செய்து கொண்டதாகவும் செய்திகள் வெளியாகியுள்ளன.

சந்தனாவின் பெற்றோர் இந்த திருமணத்திற்கு ஒப்புக் கொள்ளவில்லை என்றும், அதற்கு காரணம் தினேஷ் ஏமாற்றி விடுவான் என்று அவர்கள் ஏற்கனவே இவரை எச்சரித்ததும் தெரியவந்துள்ளது. அதை மீறி சந்தனா தினேஷைத்தான் திருமணம் செய்வேன் என்று உறுதியாக இருந்ததால், சந்தனாவின் பெற்றோர் தினேஷின் பெற்றோரை சந்தித்து திருமணம் பற்றி பேசியுள்ளனர் .அப்போது அவர்கள் மிகவும் அவமானப் படுத்தப்பட்டு, சந்தனாவைப் பற்றி அவதூறு வார்த்தைகளை சொல்லி திருப்பி அனுப்பிவைக்கப்பட்டனர். மேலும் தினேஷ் அவரிடம் திருமணம் செய்து கொள்ள பணம் கேட்டு நச்சரித்ததும் தெரியவந்துள்ளது.

இதனால் மனமுடைந்த சந்தனா விஷம் அருந்தி தற்கொலை செய்து கொண்டார். ஜூன் ஒன்றாம் தேதி போலீஸ் விசாரணைக்கு வந்தபோது தினேஷ் தலைமறைவானார். அவரை போலீசார் ஜூன் 7ஆம் தேதி கைது செய்தனர். காதல் தோல்வியால் சந்தனா உயிரை மாய்த்துக் கொண்டது பெரும் சோகத்தை ஏற்படுத்தி உள்ளது.