அனிருத் ரவிச்சந்தர் ,விஜய் ரசிகர்களுக்கு சர்ப்ரைஸ் கொடுக்கும் விதமாக மாஸ்டர் படத்தில் ‘வாத்தி’ என்ற பாடலை இசை அமைத்த போது எடுத்த ஒரு வீடியோவை தனது ட்விட்டரில் பதிவிட்டுள்ளார்.
நடிகர் விஜய் எது செய்தாலும், அவர் ரசிகர்கள் இடையில் அது வைரலாகும். அவ்வளவு ரசிகர் பட்டாளத்தை கொண்ட விஜய்யின் அடுத்த படம் ‘மாஸ்டர் ‘ விரைவில் திரைக்கு வரவுள்ளது.
ஆனால் கொரோனோ லாக்டவுன் காரணமாக இந்த படத்தை தீபாவளி அன்று ரிலீஸ் செய்ய படக்குழுவினர் திட்டமிட்டுள்ளதாக கூறப்படுகிறது. இந்த படத்தில் விஜய் ஜோடியாக மாளவிகா மோகன் நடித்துள்ளார் ,அனிருத் ரவிச்சந்தர் இசையமைத்துள்ளார். மேலும் இந்தப்படத்தில் மக்கள் செல்வன் விஜய் சேதுபதி முக்கியமான கதாபாத்திரத்தில் நடித்துள்ளார். இது மட்டுமல்லாது இந்த படத்தில் சஞ்சீவ் , ஸ்ரீராம், சான்தனு,ரம்யா சுப்பிரமணியன்,கௌரி கிருஷ்ணன் என பெரிய நட்சத்திர பட்டாளமே நடித்துள்ளது. இப்படத்தை சத்யன்சூர்யன் ஒளிப்பதிவு செய்துள்ளார். மேலும் XB பிலிம் கிரியேட்டர் தயாரிப்பில் இந்த படம் வெளியிடப்படவுள்ளது.
இந்தப் படத்தில்’ வாத்தி’ என்ற பாடல் ஏற்கனவே வெளியாகி ரசிகர்களிடையே பெரும் வரவேற்பை பெற்றுள்ளது. அந்தப் பாடல் இசை அமைக்கப்பட்ட போது எடுத்த ஒரு வீடியோவை அனிருத் ரவிச்சந்தர் இப்பொழுது வெளியிட்டுள்ளார். ஏற்கனவே விஜய்யின் பிறந்தநாள் கொண்டாட்டத்திற்காக காத்திருக்கும் விஜய் ரசிகர்களுக்கு இந்த வீடியோ மிகுந்த உற்சாகத்தை கொடுத்துள்ளது.
Home