தமிழின் பிரபல இயக்குனரான பா.ரஞ்சித் தற்போது’ பாக்ஸர்’ போன்று நின்ற ஒரு புகைப்படத்தை வெளியிட்டுள்ளார். அது இணையதளங்களில் வைரலாகி வருகிறது. இந்த புகைப்படம் அவரது அடுத்த படமான ‘சல்பேட்ட’ யை குறிக்கும் விதமாக அமைந்துள்ளது.
பிரபல தமிழ் திரைப்பட இயக்குனரான பா ரஞ்சித், தனது முதல் படமான அட்டகத்தி மூலம் ரசிகர்களிடையே நல்ல வரவேற்பை பெற்று ,தற்போது சூப்பர் ஸ்டார் ரஜினிகாந்த் அவர்களின் காலா படத்தை இயக்கியது வரை தமிழ் திரைப்படவுலகில் வெற்றிக்கொடியை நாட்டி வருகிறார்.
இவர் தற்போது ‘ சல்பேட்ட’ என்னும் படத்தை நடிகர் ஆர்யாவை வைத்து இயக்கி வருகிறார். இந்த படம் வடசென்னையில் 80 களில் வாழ்ந்த குத்துச்சண்டை வீரர்கள் பற்றிய கதையை மையமாக கொண்டது என்று கூறப்படுகிறது.
இந்த படத்தில் ஆர்யாவுடன் கலையரசனும் குத்துச்சண்டை வீரர்களாக நடித்துள்ளார் என்றும், ‘போதை ஏறி புத்தி மாறி ‘ படத்தில் நடித்த தசரா விஜயன் இப்படத்தில் ஆர்யாவுக்கு ஜோடியாக நடிக்கவுள்ளார் என்றும் செய்திகள் வெளியாகியுள்ளன. மேலும் இந்த படத்தில் இயக்குனர் பார்த்திபன் இயக்கத்தில் வெளிவந்த “கதைதிரைக்கதைவசனம்” திரைப்படத்தில் நடித்த சந்தோஷ்பிரதாப் , இந்த படத்தில் ஒரு முக்கிய வேடத்தில் நடித்து வருகிறார்.
இந்த படத்தின் படப்பிடிப்புகள் மே மாதம் தொடங்கவிருந்தது ,அது லாக்டவுன் காரணமாக தள்ளி வைக்கப்பட்டுள்ளது .
இந்த படத்திற்காக நடிகர் ஆர்யா மற்றும் கலையரசன் உடற்பயிற்சி செய்து குத்துச்சண்டை வீரர்கள் போல காட்சியளிக்க தங்களை தயார் செய்து வருகின்றனர். இதைத்தொடர்ந்து பா.ரஞ்சித் வெளியிட்டுள்ள ‘பாக்ஸர்லுக்’ புகைப்படம் ரசிகர்களிடையே இந்த படத்தை பற்றிய எதிர்பார்ப்பை தூண்டும் விதமாக அமைந்துள்ளது.
Home