தமிழ் சினிமாவில் தனக்கென தனி இடத்தை பிடித்து ரசிகர்களிடையே பெரும் வரவேற்பை பெற்றிருக்கும் நடிகர் ராகவா லாரன்ஸ். இவர் சினிமாவில் மட்டுமல்லாது மக்களுக்கு உதவுவதிலும் முன்னின்று அவர்களின் மனதில் நீங்காத இடத்தை பிடித்திருக்கிறார்.
இவரது தம்பி எல்வின் பிறந்தநாளை முன்னிட்டு ராகவா லாரன்ஸ் விரைவில் தனது தம்பி ஹீரோவாக போகிறார் என்று ஒரு செய்தியை தற்போது வெளியிட்டுள்ளார்.
ராகவா லாரன்ஸ் தனது ட்விட்டரில் “பிறந்தநாள் வாழ்த்துக்கள் தம்பி, இதோ உனது பிறந்தநாள் சர்ப்ரைஸ்” என்று குறிப்பிட்டு,” ஒவ்வொரு வருடமும் என் தம்பி பிறந்த நாளன்று அவனுக்கு ஒரு சர்ப்ரைஸ் கொடுப்பேன். அவன் ஹீரோவாக வேண்டும் என்று ஆசைப்பட்டான்,அதற்கான ஸ்கிரிப்ட் அமைந்ததால் இந்த கொரோனா லாக்டவுன் முடிந்ததும் படவேலைகள் தொடங்கும். ராகவேந்திரா புரோடக்சனில் இந்த படத்தை ராஜா இயக்கவுள்ளார். இதுவே இந்த ஆண்டு அவனுக்கு என்னுடைய சர்ப்ரைஸ்.அதற்கு உங்களது அன்பும் ஆசியும் வேண்டும்”என்று கூறியுள்ளார்.
இதேபோல 2018ஆம் ஆண்டு தனது தம்பி ஹீரோவாக உள்ளார் என்ற ஒரு தகவலை ராகவாலாரன்ஸ் வெளியிட்டார் என்பது குறிப்பிடத்தக்கது.
Home