இயக்குனர் பாலா என்றாலே வித்தியாசமான படங்களை தருபவர் என்று பெயரெடுத்தவர். இவர் தன் முதல் படமான “சேது” முதல், கடைசியாக வெளிவந்த படமான “நாச்சியார்” வரை இவருக்கென்று இயக்கத்தில் தனி பாணி வைத்திருக்கிறார்.இன்று தன் பிறந்தநாளை கொண்டாடும் பாலாவை பற்றி வரலட்சுமி சரத்குமார் அவரது ட்விட்டர் பக்கத்தில் பதிவிட்டுள்ளார்.
1999ஆம் வருடம் வெளிவந்த “சேது” படத்தின் மூலம் தமிழ் திரையுலகிற்கு இயக்குனராக அறிமுகமானவர் பாலா பழனிச்சாமி. இந்த படத்தை அவரே எழுதி இயக்கியிருந்தார். இந்த படத்தில் நடிகர் விக்ரம் நடித்திருந்தார். இதில் விக்ரமின் சிறந்த நடிப்பு இயக்குனர் பாலாவையே சேரும். அவ்வளவு புதிதான கதைகளம், மனதை உருக்கும் காட்சிகளைக் கொண்ட இந்த திரைப்படம் ரசிகர்களிடையே பெரிய வரவேற்பை பெற்றது.
இதைத்தொடர்ந்து பாலா நந்தா, பிதாமகன், நான் கடவுள், அவன் இவன், பரதேசி, தாரை தப்பட்டை, நாச்சியார் என பல மாறுபட்ட கதைகளை கொண்ட திரைப்படங்களை தமிழ் திரையுலகிற்கு தந்துள்ளார்.
இவரது இந்த படங்களில் நடித்த அனைத்து நடிகர்களுமே இவருடன் நடித்தது தங்களுக்கு சிறந்த மற்றும் கடினமான அனுபவம் என்று கூறியிருக்கிறார்கள்.
இவர் இயக்கத்தில் கடைசியாக வெளிவந்த திரைப்படம் நாச்சியார். 2018 ஆம் ஆண்டு வெளிவந்த இந்தத் திரைப்படத்தில் நடிகை ஜோதிகா இசை அமைப்பாளர் ஜி.வி.பிரகாஷ் குமார் ஆகியோர் நடித்திருந்தார்கள். இந்த படம் ரசிகர்களின் பாராட்டுக்களை அள்ளியது.
இவர் பிறந்தநாளை அடுத்து தற்போது வரலட்சுமி சரத்குமார் “என் கடவுளுக்கு பிறந்தநாள் வாழ்த்துக்கள். நான் இன்று நல்ல நடிகராக இருப்பதற்கு அவர்தான் காரணம். கடவுள் உங்களை ஆசீர்வதிப்பாராக. நீங்கள் ஒரு சூறாவளி” என்று உணர்ச்சி பூர்வமாக தனது வாழ்த்துக்களை பதிவிட்டுள்ளார்.
வரலட்சுமி சரத்குமார் இயக்குனர் பாலா இயக்கத்தில் “தாரை தப்பட்டை” என்ற படத்தில் நடித்தார். இந்தப் படத்தில் வரலட்சுமி, சசிகுமார் ஜோடியாக நடித்திருப்பார். இந்தப் படத்தில் வரலட்சுமி தனது நடிப்பிற்காக பாராட்டுக்களைப் பெற்றார்.
தற்போது வரலட்சுமி சரத்குமார் முத்துக்குமரன் இயக்கத்தில் வெளிவரவிருக்கும் “கன்னிராசி” படத்தில் நடிகர் விமலுக்கு ஜோடியாக நடித்து வருகிறார். அதுமட்டுமின்றி வைபஃவ் நடிப்பில் தீகே இயக்கத்தில் வெளியாகவிருக்கும் “காட்டேரி” படத்திலும் நடிக்கவுள்ளார் என்பது குறிப்பிடத்தக்கது.
Home