சமந்தா இடத்தை கைப்பற்றப்போகிறாரா நிக்கி கல்ராணி?

தெலுங்கு மற்றும் தமிழில் முன்னணி நடிகைகளில் ஒருவராக மாஸ் காட்டும் சமந்தாவிற்கு, தமிழ்நாடு, ஆந்திரா மற்றும் தெலுங்கானாவில் மிகப் பெரிய ரசிகர் பட்டாளம் இருக்கிறது. இப்போது, சமந்தா நடிப்பில் ‘காத்து வாக்குல ரெண்டு காதல்’ என்ற தமிழ் படமும், ‘தி ஃபேமிலி மேன்’ என்ற ஹிந்தி வெப் சீரிஸும் லைன் அப்பில் இருக்கிறது.

சமந்தா ஹீரோயினாக நடித்து 2018-ஆம் ஆண்டு தெலுங்கில் ரிலீஸான படம் ‘ரங்கஸ்தலம்’. முன்னணி இயக்குநர் சுகுமார் இயக்கியிருந்த இந்த படத்தில் கதையின் நாயகனாக ‘மெகா பவர் ஸ்டார்’ ராம் சரண் நடித்திருந்தார். இப்படம் டோலிவுட்டில் மிகப் பெரிய வெற்றி பெற்றது.

விரைவில் இந்த படத்தை தமிழ் மொழியில் ரீமேக் செய்யப்போகிறார்கள். தமிழ் வெர்ஷனை இயக்குநர் லிங்குசாமி இயக்குவாராம். இதில் ராகவா லாரன்ஸ் கதையின் நாயகனாக நடிக்க கமிட்டாகியுள்ளார். தற்போது, தெலுங்கில் சமந்தா நடித்த ஹீரோயின் ரோலில் நடிக்க நிக்கி கல்ராணியிடம் (தமிழ் வெர்ஷன்) பேச்சு வார்த்தை நடப்பதாக தகவல் கிடைத்துள்ளது.