தமிழ் சினிமாவின் முன்னணி நடிகர்களில் ஒருவரான நடிகர் விக்ரமின் மகனான துருவ் விக்ரம், தன் தந்தையின் துறையையே பின்பற்றி தற்போது நடிகராக தமிழ் சினிமாவில் வலம் வருகிறார்.
இவர் தெலுங்கில் வெளியாகி பிளாக்பஸ்டர் பெற்ற திரைப்படமான ஆதித்யா வர்மா தமிழ் ரீமேக்கில் நடித்து ரசிகர்களிடையே நல்ல வரவேற்பை பெற்றுள்ளார். இந்தப் படம் உருவாக்கப்பட்டு பின்பு மீண்டும் முதலிலிருந்து தொடங்கப்பட்டு பல இன்னல்களை சந்தித்து வெளியானது குறிப்பிடத்தக்கது.
நடிகர் துருவ் விக்ரம் சமீபத்தில் வெளியிட்டுள்ள இன்ஸ்டாகிராம் பதிவில், காலை ஆறு மணிக்கெல்லாம் எழுந்து ஷூட்டிங் ஸ்பாட்டுக்கு சென்று வேலை செய்வதை மிஸ் பண்ணுவதாக குறிப்பிட்டுள்ளார். மேலும் ஆதித்யா வர்மா ஷூட்டிங்கில் தனக்கு பல அனுபவங்கள் கிடைத்ததாகவும், மீண்டும் ஷூட்டிங்கிற்கு செல்ல காத்திருக்க முடியவில்லை என்றும் அவர் குறிப்பிட்டுள்ளார்.
அடுத்து நடிகர் விக்ரம் மற்றும் துருவ் விக்ரம் இணைந்து “சியான்60” படத்தில் நடிக்க உள்ளார்கள் என்பதும், இந்தப்படத்தை செவன் ஸ்கிரீன் ஸ்டூடியோஸ் தயாரிக்கிறார்கள் என்றும் கார்த்திக் சுப்புராஜ் இயக்கவுள்ளார் என்றும் ஏற்கனவே செய்தி வெளியாகியுள்ளது.
இந்தப் படத்திற்காக தினமும் உடற்பயிற்சி செய்து தன்னை மெருகேற்றி வரும் துருவ் விக்ரம் அவ்வப்போது அவரது புகைப்படங்களையும் வெளியிட்டு வருகிறார். இது ரசிகர்களிடையே வைரலாக பரவி வருகிறது.
Home
