பிக்பாஸ் 4 இல் கலந்து கொள்கிறாரா லட்சுமிமேனன்?!

தமிழ்சினிமாவில் ஒரு சில படங்களில் மட்டுமே நடித்திருந்தாலும் தனக்கென தனி இடத்தை பிடித்தவர் நடிகை லட்சுமிமேனன்.

2012ஆம் ஆண்டு வெளிவந்த “சுந்தரபாண்டியன்” மற்றும் “கும்கி” திரைப்படங்கள் மூலம் தமிழ் திரையுலகிற்கு அறிமுகமானார். இந்த இரண்டு படங்களுமே இவருக்கு வெற்றியைத் தேடித் தந்ததால் அடுத்தடுத்து தமிழ் படங்களில் நடிக்க கமிட்டானார் லட்சுமிமேனன்.

குட்டிப்புலி, நான் சிகப்பு மனிதன், பாண்டியநாடு, மஞ்சப்பை, ஜிகர்தண்டா, கொம்பன், வேதாளம், மிருதன், ரெக்க என்று தொடர்ந்து முன்னணி நடிகர்களின் படத்தில் நடித்து வெற்றி வாகை சூடி உள்ளார்.

தொடர்ந்து படங்களில் நடித்து வந்த இவர் 2017 ஆம் ஆண்டு பிரேக் எடுத்து தனது கல்லூரிப் படிப்பை முடித்தார். இந்த சமயங்களில் சோஷியல் மீடியாவில் மிகவும் ஆக்டிவாக இருந்து வரும் லட்சுமிமேனன் சமீபத்தில் பிக்பாஸ்4 நிகழ்ச்சியில் கலந்து கொள்ளப் போவதாக செய்தி வெளியாகியது.

இதுகுறித்து தற்போது செய்தி வெளியிட்டுள்ள லட்சுமிமேனன் அதிகாரபூர்வமாக தான் பிக்பாஸில் கலந்து கொல்லப் போவதில்லை என்றும் தனக்கு அந்த நிகழ்ச்சியில் கலந்து கொள்ள விருப்பமே இல்லை என்றும் கூறியிருக்கிறார். இதனால் லட்சுமிமேனன் பிக்பாஸ் 4 இல் நிச்சயமாக கலந்து கொள்ளப் போவதில்லை என்பது உறுதியாகியுள்ளது.

https://youtu.be/5wEiJpH6g10