தமிழ் சினிமாவின் முன்னணி நடிகர்களில் ஒருவரான விஜய் நடித்து 2017 ஆம் ஆண்டு வெளிவந்த திரைப்படம் ‘மெர்சல்’. இந்த படத்தை இயக்குனர் அட்லீ இயக்கியிருந்தார்.
ஸ்ரீ தேனாண்டாள் பிலிம்ஸ் தயாரிப்பில் உருவான இந்த திரைப்படத்தில் நடிகர் விஜய் மூன்று வேடங்களில் நடித்திருந்தார். இவருக்கு ஜோடியாக காஜல் அகர்வால், சமந்தா மற்றும் நித்யா மேனன் நடித்திருந்தார்கள்.
நடிகர் மற்றும் இயக்குனர் எஸ்.ஜே.சூர்யா இந்த படத்தில் வில்லன் கதாபாத்திரத்தில் நடித்திருந்தார். ஏ.ஆர்.ரகுமான் இந்த படத்திற்கு இசையமைத்திருந்தார். மிகப் பெரிய நட்சத்திர கூட்டணியில் உருவான இந்த திரைப்படம் ரசிகர்களிடையே பெரிய வரவேற்பை பெற்றது.
அந்த ஆண்டு தீபாவளியன்று வெளியான இந்த திரைப்படம் பிளாக்பஸ்டர் திரைப்படமாக அமைந்தது. தற்போது இந்த திரைப்படம் வெளியாகி மூன்று ஆண்டுகள் நிறைவு செய்ததை அடுத்து இந்த திரைப்படத்தின் போஸ்டர்களை இணையதளத்தில் விஜய் ரசிகர்கள் வைரலாக்கி வருகிறார்கள்.
Home