‘பிக் பாஸ் 4’ : “இதை என்கிட்ட திணிக்காதீங்க இதுனால தான் பிரச்சனை”… ஆரி – அர்ச்சனா இடையே மோதல்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். கடந்த வாரம் ஞாயிற்றுக்கிழமை பிக் பாஸ் ஷோவில் ரேகா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ஆரி “காலைல நான் வந்து சாப்பாடு வச்சுட்டு இருந்தேன்ல, நான் வச்சுட்டு இருக்கிறதுல ஏதாவது குறை இருந்தால் நீங்க என்கிட்ட சொல்லலாம்.

நீங்க வச்சுருங்க நானே வந்து அதை serve பண்றேன் அப்படின்னு நீங்க சொல்லக்கூடாது” என்று அர்ச்சனாவிடம் சொல்கிறார். அதற்கு அர்ச்சனா “இல்ல நீங்க ஆஜித்துக்கு வச்சவுடனேயே இவ்வளவு தான் சாப்பிடுவியா, இதுக்கு மேலையும் சாப்பிடுவியாடா? அப்படின்னு நீங்க கேட்டீங்க. அதை சொன்னவுடனே எனக்கு ஒரு மாதிரி ஆயிடுச்சு. you push people to eat more” என்று சொல்கிறார். பின், ஆரி “இதை என்கிட்ட திணிக்காதீங்க” என்று சொல்கிறார். அதற்கு அர்ச்சனா “உங்ககிட்ட திணிக்க வேண்டிய அவசியம் எனக்கு கிடையாது” என்று சொல்கிறார். பின், ஆரி “இதுனால தான் பிரச்சனை இந்த வீட்ல” என்று சொல்கிறார். அதன் பிறகு இருவருக்கும் இடையே மோதல் ஏற்படுகிறது. இவ்வீடியோ சமூக வலைத்தளங்களில் தீயாய் பரவி வருகிறது.

#Day26 #Promo2 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/xPYlMq2KQy

— Vijay Television (@vijaytelevision) October 30, 2020