பாம்பு பிடிக்கும் காட்சியால் சர்ச்சையான சிம்புவின் வீடியோ!

தமிழ் சினிமாவில் முன்னணி நடிகர்களில் ஒருவரான சிம்பு தற்போது சுசீந்திரன் இயக்கத்தில் ‘ஈஸ்வரன்’ என்ற திரைப்படத்தில் நடித்து வருகிறார்.

இந்தப் படத்தின் படப்பிடிப்பிற்காக தனது உடல் எடையை வெகுவாக குறைத்த இவரின் புது லுக், அவரது ரசிகர்களை குஷிப்படுத்தியது மட்டுமில்லாமல், பலரை ஆச்சரியப்படுத்தியுள்ளது.

பழைய சிம்பு திரும்பி விட்டார் என்று இவரது ரசிகர்கள் சிம்புவின் புது லுக்கை இணையதளத்தில் வைரலாகி வருகிறார்கள். இந்நிலையில் அவ்வப்போது இந்த படப்பிடிப்பு தளத்திலிருந்து அப்டேட் வந்த வண்ணம் உள்ளது. தற்போது இந்த படத்தின் படப்பிடிப்பு நிறைவடைந்தது.

சமீபத்தில் இவர் படப்பிடிப்பு தளத்தில் ஒரு பாம்பைப் பிடித்து ஒரு சாக்குப்பைக்குள் போடுவது போன்ற காட்சி வெளியாகி சிம்பு சாகசம் செய்கிறார் என்று வைரலாகி வந்தது.

இந்த வீடியோவை வைரலானதையடுத்து விலங்குகள் நல அமைப்பு ஒன்று சிம்பு விலங்குகளை துன்புறுத்துகிறார் என்று அவர் மீது புகார் அளித்திருந்தார்கள். தற்போது இதற்கு விளக்கமளித்து திரைப்படக்குழு அறிக்கை ஒன்றை வெளியிட்டுள்ளார்கள்.