‘பிக் பாஸ் 4’ : ஹவுஸ்மேட்ஸுக்கு ராசி பலன் சொன்ன அர்ச்சனா… கலகலப்பான ப்ரோமோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். கடந்த வாரம் ஞாயிற்றுக்கிழமை பிக் பாஸ் நிகழ்ச்சியில் சுரேஷ் சக்கரவர்த்தி எலிமினேட் செய்யப்பட்டார்.

தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் அர்ச்சனா “இன்றைய ராசி பலனில் நிஷா அவர்களுக்கான ராசி பலன். கரெக்ட்டா அஞ்சு மணிக்கு எழுந்து உள்ள வருவான்னு பார்த்தா, 7:45 மணிக்கு உள்ள வர்றா. ஆனா, இப்போதான் அஞ்சு மணின்னு சாதிக்குறா. பாலா அவர்கள் காலைல ஏய் நிக்க முடியாது அப்படின்னு இந்த வாரமும் திருப்பி luxury task zero ஆயிடுமா அப்படின்னு மத்த ஹவுஸ்மேட்ஸ் பயந்தாலும் போத்திக்கிட்டு கம்முனு தூங்குனாங்க. நம்மளோட ஜித்தன் ரமேஷ், இவர் எங்கங்க இருக்காரு? அப்படின்னு சொன்னவங்க எல்லாருக்கும் இந்த வாரம் இந்தா வச்சுக்கோங்குற அளவுக்கு இருக்காரு” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.

#Day45 #Promo3 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/hzokRpM4tE

— Vijay Television (@vijaytelevision) November 18, 2020