‘பிக் பாஸ் 4’ : ஏன் அந்த மாதிரி முடிவு எடுக்குறீங்கன்னு கேட்ட சுசித்ரா… கடுப்பான பாலாஜி!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். கடந்த வாரம் ஞாயிற்றுக்கிழமை பிக் பாஸ் நிகழ்ச்சியில் சுரேஷ் சக்கரவர்த்தி எலிமினேட் செய்யப்பட்டார்.

தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ஓய்வு அறையில் இருக்கும் பாலாஜி முருகதாஸ் மற்றும் சுசித்ரா இருவரும் “தள்ளுங்கடா ரயிலு அனுப்பிட்டாங்க ஜெயிலு. face full-ஆ smile” என்று பாட்டு பாடுகிறார்கள். அப்போது, சுசித்ரா “இங்க இரண்டு group இருக்கு” என்று சொல்கிறார். அதற்கு பாலாஜி “கேப்டன் தான எனக்கு தப்பு தப்பா reason கொடுத்தது.

ஆஜித் தான் group-ன்னு சொல்ற, ஷிவானியே group கிடையாது. அவளுக்கு ஒரு விஷயம் பிடிக்கலைன்னா மூஞ்சிமேல பிடிக்கலைன்னு சொல்லிட்டு போயிட்டே இருப்பா” என்று சொல்கிறார். பின், சுசித்ரா “அதுனால group கிடையாதுன்னு சொல்ல முடியாதுல” என்று சொல்கிறார். அதற்கு பாலாஜி “எல்லாரும் சேர்ந்து ஒண்ணா எடுக்குறாங்க பார் ஒரே ஒரு முடிவு. அதுதான் group” என்று சொல்கிறார். பின், சுசித்ரா “நீங்களும் தான் அந்த மாதிரி முடிவு எடுக்குறீங்க” என்று சொல்கிறார். அதற்கு பாலாஜி “எப்பா உன்ன என்கூட உள்ள அனுப்பி என்ன சாவடிக்குறாங்கப்பா” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.

#Day47 #Promo2 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/KUifoR6oyt

— Vijay Television (@vijaytelevision) November 20, 2020