‘ஆரி ப்ரோ ஒரு பயத்தை கொடுக்கிறாரு’… கேப்ரில்லாவிடம் புலம்பும் ரியோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த ஆண்டு (2020) அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த ஆண்டு அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா, சம்யுக்தா கார்த்திக், சனம் ஷெட்டி, ஜித்தன் ரமேஷ், அறந்தாங்கி நிஷா மற்றும் அர்ச்சனா எலிமினேட் செய்யப்பட்டனர். கடந்த வாரம் ஞாயிற்றுக்கிழமை அனிதா சம்பத் எலிமினேட் செய்யப்பட்டார்.

நேற்றைய பிக் பாஸ் நிகழ்ச்சியில் ஆஜித் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ரியோ ராஜ், கேப்ரில்லா இருவரும் அமர்ந்து பேசிக் கொண்டிருக்கிறார்கள். அப்போது ரியோ ராஜ் “ஆரி ப்ரோ ஒரு பயத்தை கொடுக்கிறாரு. பயமுறுத்துகிறாரு. இப்ப நீங்க என்ன இப்படி சொல்லிட்டீங்கள்ல, இதுக்கு மக்கள் உங்கள என்ன தெரியுமா கேட்பாங்க? அப்படின்னு சொல்லிட்டு.

எல்லாரும் ஒண்ணா சேர்ந்து விளையாடுற இடத்துல, நீங்க வந்து சேரவே இல்ல அப்படின்னு நான் சொன்னது simple-ஆ அவ்ளோ தான். அதுக்கு நான் 100% உழைச்சிருக்கேன். உழைப்பை validate பண்ணல, குழந்தை அது இதுன்னு எல்லாத்தையும் எடுத்து வந்துட்டு. குழந்தை வந்த பிறகு எனக்கு எதுவுமே தோணல. அந்த குழந்தை மேல அவ்ளோ பாசமா இருந்தது. ஆசையா விளையாடிட்டு இருந்தேன். இப்போ ஒரு மாதிரி வெறுப்பை உண்டாக்குறாரு. அங்க நின்னு பேசின சில வார்த்தைகள்லாம், அவர்மேல extra-வா எனக்கு கோபம் தான் வருது” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.

#Day92 #Promo2 of #BiggBossTamil#பிக்பாஸ் – திங்கள் – வெள்ளி இரவு 10 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/382eFFscVD

— Vijay Television (@vijaytelevision) January 4, 2021