போயஸ் கார்டனில் தனுஷின் புதிய வீடு… பூமி பூஜையில் கலந்து கொண்ட ரஜினி!

தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். இப்போது தனுஷ் நடிப்பில் தமிழில் ‘ஜகமே தந்திரம், கர்ணன், நானே வருவேன், ஆயிரத்தில் ஒருவன் 2’, இயக்குநர்கள் கார்த்திக் நரேன், ராம் குமார், வெற்றி மாறன், மித்ரன்.ஆர்.ஜவஹர் படங்கள், ஹிந்தியில் ‘அட்ராங்கி ரே’ மற்றும் ஹாலிவுட்டில் ‘தி க்ரே மேன்’ என பத்து படங்கள் லைன் அப்பில் இருக்கிறது.

இதில் ‘ஜகமே தந்திரம்’ திரைப்படத்தை வருகிற மார்ச் மாதம் பிரபல OTT தளமான ‘நெட்ஃப்ளிக்ஸ்’யிலும், ‘கர்ணன்’ திரைப்படத்தை ஏப்ரல் மாதம் திரையரங்குகளிலும் ரிலீஸ் செய்ய ப்ளான் போடப்பட்டுள்ளது. சமீபத்தில், கார்த்திக் நரேன் படத்தின் முதல் ஷெடியூல் ஷூட்டிங் முடிந்தது.

நேற்று (பிப்ரவரி 9-ஆம் தேதி) தான் ‘கர்ணன்’ படத்தில் இடம்பெறும் தனது காட்சிகளுக்கு நடிகர் தனுஷ் டப்பிங் பேசி முடித்தார். இந்நிலையில், இன்று (பிப்ரவரி 10-ஆம் தேதி) காலை போயஸ் கார்டனில் தனுஷ் கட்டும் புதிய வீட்டுக்கான பூமி பூஜை நடைபெற்றதாக தகவல் கிடைத்துள்ளது. இந்த பூமி பூஜையில் டாப் ஹீரோவும், தனுஷின் மாமனாருமான ‘சூப்பர் ஸ்டார்’ ரஜினிகாந்தும் கலந்து கொண்டாராம். அப்போது எடுக்கப்பட்ட ஸ்டில்ஸ் வெளியாகி சமூக வலைத்தளங்களில் தீயாய் பரவி வருகிறது.

#SuperStarRajinikanth attends the Bhoomi Pooja of #Dhanush & #AishwaryaDhanush‘s new house at #PoesGarden @rajinikanth @OfficialLathaRK@dhanushkraja @ash_r_dhanush pic.twitter.com/nFBrNZ5g64

— BARaju (@baraju_SuperHit) February 10, 2021