“எனக்கு நிறைய பிரச்சனை கொடுக்குறாங்க”… ‘மாநாடு’ ப்ரீ-ரிலீஸ் ஃபங்க்ஷனில் கண்ணீர் விட்டு கதறி அழுத STR!

சினிமாவில் பாப்புலர் ஹீரோவாக வலம் வருபவர் சிலம்பரசன் TR. இப்போது சிலம்பரசன் நடிப்பில் ‘மாநாடு, மஹா, பத்து தல, வெந்து தணிந்தது காடு, கொரோனா குமார்’ என ஐந்து படங்கள் லைன் அப்பில் இருக்கிறது. இதில் பிரபல இயக்குநர் வெங்கட் பிரபு இயக்கியுள்ள ‘மாநாடு’ படத்தில் ஹீரோயினாக கல்யாணி ப்ரியதர்ஷனும், வில்லன் ரோலில் எஸ்.ஜே.சூர்யாவும் நடித்துள்ளனர்.

பொலிட்டிக்கல் ஆக்ஷன் த்ரில்லர் ஜானர் படமான இதற்கு யுவன் ஷங்கர் ராஜா இசையமைத்துள்ளார். சமீபத்தில், ரிலீஸ் செய்யப்பட்ட போஸ்டர்ஸ், மோஷன் போஸ்டர், ஃபர்ஸ்ட் லுக் டீசர், ட்ரெய்லர் மற்றும் ‘மெஹரஸைலா’ பாடல் சமூக வலைத்தளங்களில் தீயாய் பரவி வந்தது. அதுமட்டுமின்றி, படத்தின் மீதான எக்ஸ்பெக்டேஷன் லெவலையும் எகிற வைத்தது.

இப்படத்தை தமிழ் மட்டுமில்லாமல் தெலுங்கு, மலையாளம், கன்னடம் மற்றும் ஹிந்தி ஆகிய மொழிகளிலும் டப் செய்கிறார்கள். இந்த படத்தின் போஸ்ட் புரொடக்ஷன் பணிகள் முடிவடையும் தருவாயில் உள்ளது. படத்தை வருகிற நவம்பர் 25-ஆம் தேதி ரிலீஸ் செய்ய ப்ளான் போட்டுள்ளனர்.

இந்நிலையில், இன்று (நவம்பர் 18-ஆம் தேதி) இப்படத்தின் ப்ரீ-ரிலீஸ் ஃபங்க்ஷன் சென்னையில் நடைபெற்றது. அப்போது நடிகர் சிலம்பரசன் “எனக்கு ரொம்ப கஷ்டமா இருக்கு… ரொம்ப problems face பண்ணிட்டேன். எனக்கு நிறைய பிரச்சனை கொடுக்குறாங்க. இந்த எல்லா பிரச்சனைகளையும் நான் பார்த்துக்குறேன், என்ன மட்டும் நீங்க பார்த்துக்கோங்க” என்று கண்ணீர் விட்டு அழுதபடி பேசியுள்ளார்.