‘பிக் பாஸ் 4’ : “வீட்டுக்கு போகணுமா? இந்த ஷோவுல ஜெயிக்கணுமா?… அர்ச்சனாவிடம் கேட்ட ஆஜித்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி மற்றும் சுசித்ரா எலிமினேட் செய்யப்பட்டனர்.

கடந்த ஞாயிற்றுக்கிழமை பிக் பாஸ் நிகழ்ச்சியில் சம்யுக்தா கார்த்திக் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ‘கால் சென்டர்’ டாஸ்கின் போது ஆஜித், அர்ச்சனாவுக்கு கால் செய்கிறார். அப்போது ஆஜித் “நீங்க இந்த கேமுக்குள்ள வந்து வரும்போது ஒரு strong contestant-ஆ like எல்லாருமே feel பண்ணோம்.

கமல் சார் ஷோவுல கூட சொல்லியிருந்தீங்க, நான் என்னோட நக்கல் எல்லாம் வந்து இன்னும் காட்டல” என்று சொல்கிறார். அதற்கு அர்ச்சனா “ஆமா சார்” என்று சொல்கிறார். பின், ஆஜித் “வரும்போது அந்த நக்கல் எல்லாம் வந்து நிறையா தெரிஞ்சது. போகப்போக வந்து குறைஞ்ச மாதிரி ஒரு feel எனக்கு. அடிக்கடி வீட்டுக்கு போகணும் அப்படிங்குற மாதிரி சொல்றீங்க இல்லையா?” என்று கேட்கிறார். அதற்கு அர்ச்சனா “ஆமா சார்” என்று சொல்கிறார்.

அதன் பிறகு ஆஜித் “but டாஸ்க் எல்லாமே வந்து வேற லெவல்ல perform பண்றீங்க. நான் பார்த்த வரைக்கும் எல்லாமே சூப்பரா பண்ணியிருக்கீங்க” என்று சொல்கிறார். அதற்கு அர்ச்சனா “நன்றி சார்” என்று சொல்கிறார். பின், ஆஜித் “இப்ப வந்து என்னோட doubt வந்து உங்களுக்கு உண்மையிலேயே வீட்டுக்கு போகணுமா? இல்ல இந்த ஷோவுல win பண்ணனுமா? எந்த thought உங்களுக்கு இப்போ இருக்கு?” என்று கேட்கிறார். இவ்வீடியோ சமூக வலைத்தளங்களில் தீயாய் பரவி வருகிறது.